കൂർച്ചീ നരോ ഹാടകചമ്പകാഭോ
വരാസനേ ദണ്ഡധരോ നിഷണ്ണഃ
കൌശേയകാന്യുദ്വഹതേƒജിനഞ്ച
തൃതീയരൂപം നവമസ്യ രാശേഃ
സാരം :-
ധനു രാശിയുടെ അന്ത്യദ്രേക്കാണസ്വരൂപം, പുഴുക്കൂട്ടുപട്ടുകളാകുന്ന ഉടുതുണിയോടും വ്യാഘ്രം മാൻ ഇത്യാദികളുടെ തോലുകളാകുന്ന ഉപരിവസ്ത്രത്തോടും, ചെമ്പകപ്പൂവ് സ്വർണ്ണം ഇവയുടെ വർണ്ണംപോലെയുള്ള ദേഹത്തോടും ധാരാളം മുഖരോമത്തോടും കൂടിയ ഒരു പുരുഷന്റേതാകുന്നു. ഈ പുരുഷശ്രേഷ്ഠൻ ഒരു വടിയും കയ്യിലെടുത്തു അത്യുത്തമമായ ഒരു പീഠത്തിന്മേൽ ഇരിയ്ക്കുകയുമാകുന്നു. ഇതു മനുഷ്യദ്രേക്കാണവും ആയുധസഹിതവുമാകുന്നു.
