കലശം പരിഗൃഹ്യ വിനിഷ്പതിതും
സമഭീച്ഛതി ഗൃധ്രമുഖഃ പുരുഷഃ
ക്ഷുധിതസ്തൃഷിതശ്ച കളത്രസുതാൻ
മനസൈതി തുലാധരമധ്യഗതഃ
കയ്യിൽ ഒരു കുടത്തോടും കഴു എന്ന പക്ഷിയുടെ മുഖംപോലെയുള്ള മുഖത്തോടും അതിയായ വിശപ്പ് ദാഹം ഇവയോടുകൂടി തന്റെ ഭാര്യാപുത്രന്മാരെ മനസ്സുകൊണ്ട് വിചാരിച്ചുകൊണ്ടിരിയ്ക്കുന്ന ഒരു പുരുഷന്റെ സ്വരൂപമാണ് തുലാംരാശിയുടെ മദ്ധ്യദ്രേക്കാണസ്വരൂപം. ഇയ്യാൾ ഇരിപ്പിടത്തിൽ നിന്നു ഏതോ ഒരിടത്തേയ്ക്കു പോവാൻ ആഗ്രഹിച്ചുകൊണ്ടിരിയ്ക്കുകയാകുന്നു. ഇതു മനുഷ്യദ്രേക്കാണവും പക്ഷിദ്രേക്കാണവുമാണെന്നറിയണം.
