ദ്വിഷതി വിജിതാരാതിഃ കാമാതുരസ്സുഭഗസ്സുഖീ
ബഹുഭുഗഭിമാന്യാഢ്യശ്ശൂരസ്സരഗ്വിഷമാശയഃ
ധനസുഖവധൂഹീനോ ദീനോƒടനോƒലസധീർമ്മദേ
കുതനുരതനുശ്രാന്തോ ഭീരുശ്ച ഭാരഭൃദർക്കജേ.
സാരം :-
ആറാം ഭാവത്തിൽ ശനി നിൽക്കുമ്പോൾ ജനിക്കുന്നവൻ ശത്രുക്കളെ ജയിക്കുന്നവനായും കാമാർത്തനായും സുഭഗതയും സുഖവും ഉള്ളവനായും വളരെ ഭക്ഷിക്കുന്നവനായും അഭിമാനവും പ്രഭുത്വവും ധനവും ഉള്ളവനായും ശൂരനായും രോഗമുള്ളവനായും വിഷമപ്രകൃതിയായും ഭവിക്കും.
ഏഴാം ഭാവത്തിൽ ശനി നിൽക്കുമ്പോൾ ജനിക്കുന്നവൻ സുഖവും ധനവും ഭാര്യാസുഖവും വേണ്ട വിധത്തിലില്ലാത്തവനായും ദൈന്യവും സഞ്ചാരക്ലേശവും അലസതയും കുത്സിതമായ ശരീരവും മുഷിഞ്ഞ വേഷവും ഏറ്റവും ശ്രമവും ഭയശീലവും ഉള്ളവനായും ഭാരങ്ങളെ വഹിക്കുന്നവനായും ഭവിക്കും.
