ശഠഃ പാപ സ്തീക്ഷ്ണസ്തനയസുഖഹീനോ ജഠരരുക്
പിശാചാർത്തോ ധൂർത്തപ്രകൃതിരഘഭാഗ്ഭൂര്യുകഭീഃ
കുലശ്രേഷ്ഠഃ ഷഷ്ഠേ ബഹുവിഭവവിദ്യാഗുണയശാഃ
സുഹൃൽസ്നേഹീ ഗർവ്വീ സ്ഥിരമതിരുദാരസ്സകലവിൽ.
സാരം :-
അഞ്ചാം ഭാവത്തിൽ കേതു നിൽക്കുമ്പോൾ ജനിക്കുന്നവൻ ശഠത്വവും പാപതയും ക്രൂരത്വവും ഉള്ളവനായും പുത്രന്മാരോ പുത്രസുഖമോ കുറഞ്ഞിരിക്കുന്നവനായ്യും ഉദരരോഗിയായും ഭൂതാപസ്മാരാദികളാൽ പീഡിതനായും ധൂർത്തസ്വഭാവവും (ദുശ്ശീലവും) വെള്ളത്തിൽ ഭയവും വലിയ ദുഃഖവും പാപവും ആശുചിത്വവും ഉള്ളവനായും ഭവിക്കും.
ആറാം ഭാവത്തിൽ കേതു നിൽക്കുമ്പോൾ ജനിക്കുന്നവൻ കുലശ്രേഷ്ഠനായും വളരെ സമ്പത്തും വിദ്യയും അനേകം ഗുണങ്ങളും നല്ല യശസ്സും ഉള്ളവനായും ബന്ധുക്കളെ സ്നേഹിക്കുന്നവനായും ഗർവ്വിഷ്ഠനായും സ്ഥിരബുദ്ധിയായും ഔദാര്യവും എല്ലാ വിഷയത്തിലും ജ്ഞാനവും ഉള്ളവനായും ഭവിക്കും.
