വിശേഷജ്ഞോ വാഗ്മീ ബലമതിയുതസ്സൗഖ്യനിരതഃ
പരാന്നാർത്ഥീ വിദ്യാവിഭവരഹിതോƒർത്‌ഥേ കുദൃഗഘീ
ഉദാരശ്ശൂരോƒർത്ഥീ സഹജരഹിതോ ദുർജനരതിഃ
പ്രഗത്ഭഃ പ്രഖ്യാതഃ പ്രബലഗുണസൗഖ്യസ്സഹജഭേ.
സാരം :-
രണ്ടാം ഭാവത്തിൽ കേതു നിൽക്കുമ്പോൾ ജനിക്കുന്നവൻ വിശേഷകാര്യങ്ങളെ അറിയുന്നവനായും വളരെ സംസാരിക്കുന്നവനായും (നിന്ദ്യമായി പറയുന്നവനെന്നും അർത്ഥമുണ്ട്) ബലവും ബുദ്ധിയും ഉള്ളവനായും സുഖകാര്യങ്ങളിൽ തൽപരനായും പരാന്നത്തെ കാംക്ഷിക്കുന്നവനായും വിദ്യയും ധനവും ഗൃഹോപകരണങ്ങളും ഇല്ലാത്തവനായും കുത്സിതമായ ദൃഷ്ടി (കണ്ണ്, നോട്ടം) യോടും പാപചാരത്തോടും കൂടിയവനായും ഭവിക്കും.
മൂന്നാം ഭാവത്തിൽ കേതു നിൽക്കുമ്പോൾ ജനിക്കുന്നവൻ ഉൽകൃഷ്ടതയും ദാനശീലവും ശൂരതയും സമ്പത്തും ഉള്ളവനായും സഹോദരന്മാരോട് വേർപെട്ടവനായും ദുർജ്ജനങ്ങളെ സ്നേഹിക്കുന്നവനായും ഏറ്റവും പ്രതിഭാശാലിയായും പ്രസിദ്ധിയും ബലവും അനേക ഗുണങ്ങളും സുഖവും ഉള്ളവനായും ഭവിക്കും.
