കേതൌ സപ്തമഗേ പ്രിയാവിരഹിതഃ
കുസ്ത്രീരതോƒശ്രീസ്സരുഗ്
ദുഃഖീ ദുർമ്മതിരാന്ത്രരോഗവിവശോ
ദീനോƒടനോƒനർത്ഥവാൻ
മേധാവീ പരിവാരവാൻ നയനരുക്
ശസ്ത്രക്ഷതസ്സ്വല്പജീ-
വ്യന്ന്യസ്ത്രീധനകാംക്ഷ്യുദാരചരിതോ
ലുബ്ധോƒഷ്ടമേƒനിഷ്ടവാൻ.
സാരം :-
ഏഴാം ഭാവത്തിൽ കേതു നിൽക്കുമ്പോൾ ജനിക്കുന്നവൻ സ്വന്തം ഭാര്യയ്ക്ക് വിരഹമോ നാശമോ രോഗമോ സംഭവിക്കുന്നവനായും ദുഷ്ടസ്ത്രീകളിൽ തല്പരനായും ശ്രീയും ഐശ്വര്യവും ഇല്ലാത്തവനായും രോഗപീഡിതനായും ദുഃഖവും ദുർബുദ്ധിയും ഉള്ളവനായും ആന്ത്രരോഗത്താൽ പീഡിതനായും ദീനനായും സഞ്ചാരിയായും അനർത്ഥങ്ങളുള്ളവനായും ഭവിക്കും.
എട്ടാം ഭാവത്തിൽ കേതു നിൽക്കുമ്പോൾ ജനിക്കുന്നവൻ ധാരണയും ബുദ്ധിശക്തിയും ഭൃത്യന്മാരും നേത്രരോഗങ്ങളും ഉള്ളവനായും ആയുധങ്ങളാൽ പീഡിതനായും അല്പായുസ്സായും പരദ്രവ്യത്തിലും പരസ്ത്രീയിലും താല്പര്യമുള്ളവനായും ഉൽകൃഷ്ടതയും ഔദാര്യവും പിശുക്കും ഓരോതരത്തിലുള്ള അനിഷ്ടാനുഭവങ്ങളും ഉള്ളവനായും ഭവിക്കും.
