പാപേകര്‍മ്മഗതേ തു കര്‍മ്മവിഹതിര്‍ ദുഷ്കീര്‍ത്തിരാജ്ഞാക്ഷതിര്‍-
ദാസാലാംബനയോര്‍വിനാശമപി സ്യാജ്ജാനുരുക്പ്രോഷണം
സൗമ്യേ പദ്ധതിമണ്ഡപാമരഗൃഹാദ്യുല്‍പാദനം കര്‍മ്മണാ-
മാജ്ഞാലംബനയോശ്ച സിദ്ധിരപി ദാസാവാപ്തി കീര്‍ത്ത്യുദ്ഗമാഃ
സാരം :-
പത്താം ഭാവത്തില്‍ പാപന്‍ നിന്നാല്‍ തുടങ്ങുന്ന കര്‍മ്മങ്ങള്‍ക്ക് വിഘാതവും അപമാനവും തന്‍റെ അനുവാദം അനുസരിച്ച് ഒന്നും നടക്കാതാവുകയും ഭൃത്യന്മാര്‍ക്കും തനിക്കാശ്രയമായിട്ടുള്ളവര്‍ക്കും നാശവും കാലിന്‍റെ മുട്ടിന്മേല്‍ രോഗവും പരദേശഗമനത്തിനിടയാകുകയും മറ്റും ഫലം.
പത്താം ഭാവത്തില്‍ ശുഭന്‍ നിന്നാല്‍ വഴിയമ്പലം ദേവാലയം ഇവകള്‍ പണിചെയ്യിക്കുകയും പ്രവര്‍ത്തിക്കുന്ന പ്രവൃത്തികള്‍ സഫലമായി തീരുകയും തന്‍റെ ആജ്ഞയ്ക്കും ശക്തിയുണ്ടാവുകയും ആശ്രയജനങ്ങള്‍ക്ക്‌ അഭിവൃദ്ധിയും നല്ല ദാസന്മാരുടെ ലാഭവും സല്‍ക്കീര്‍ത്തിയും ഫലമാകുന്നു.
