ജനനനാഴികാസംസ്കരണം

ഭാവസന്ധിക്രിയ എന്ന പോസ്റ്റിന്‍റെ തുടര്‍ച്ചയാണ് താഴെ കൊടുത്തിരിക്കുന്നത്. ഇവിടെ ക്ലിക്ക് ചെയ്യുക.

ജനനനാഴികാസംസ്കരണം

ജനനം അര്‍ദ്ധരാത്രി മുതല്‍ ഉദയത്തിനുള്ളിലായാല്‍ ജനനം മുതല്‍ ഉദയത്തോളം പുലരുവാനുള്ള നാഴികവിനാഴികകള്‍ ദിനാര്‍ദ്ധം എന്ന് പറയുന്ന 15 നാഴികയോട് കൂട്ടുക. കിട്ടുന്ന നാഴികവിനാഴികകള്‍ക്ക് "നതസംഖ്യ" എന്ന് പറയുന്നു.

ഉദയം മുതല്‍ മദ്ധ്യാഹ്നത്തിനുള്ളില്‍ ജനനമായാല്‍ ഉദയം മുതല്‍ ജനനംവരെയുള്ള നാഴികവിനാഴികകള്‍ ദിനാര്‍ദ്ധമെന്ന 15 നാഴികയില്‍ നിന്നും കളഞ്ഞാല്‍ ബാക്കി വരുന്ന നാഴിക വിനാഴികകളെ "ആനതം" എന്ന് പറയുന്നു.

മദ്ധ്യാഹ്നം മുതല്‍ അസ്തമനത്തിനുള്ളില്‍ ജനനം വന്നാല്‍ ഉദയം മുതല്‍ ജനനം വരെയുള്ള നാഴിക വിനാഴികകളില്‍നിന്ന് ഭിന്നാര്‍ദ്ധമെന്ന 15 നാഴിക കളഞ്ഞാല്‍ ശിഷ്ടം വരുന്ന നാഴിക വിനാഴികകള്‍ "പരനത" എന്ന് പറയുന്നു.

അസ്തമനം മുതല്‍ അര്‍ദ്ധരാത്രിക്കുള്ളില്‍ ജനനമായാല്‍ അസ്തമനം മുതല്‍ ജനനം വരെയുള്ള നാഴികവിനാഴികകള്‍ ഭിന്നാര്‍ദ്ധമെന്ന 15 നാഴികയോട് കൂട്ടിയാലുണ്ടാകുന്ന നാഴികവിനാഴികകള്‍ക്ക് "അപരനത" എന്ന് പറയുന്നു.

ജനനസമയം കണക്കാക്കി അത് നാല് ദിനാര്‍ദ്ധവിഭാഗങ്ങളില്‍ ഏതില്‍ ഉള്‍പ്പെടുമെന്നറിഞ്ഞ് ആ ദിനാര്‍ദ്ധ വിഭാഗത്തിനു പറഞ്ഞവിധ നതനാഴികയുണ്ടാക്കി അതുകൊണ്ടാണ് മദ്ധ്യലഗ്നം ഗണിക്കേണ്ടത്. ഇതിന് ഒന്ന് രണ്ടു കാര്യങ്ങള്‍കൂടി തയ്യാറാക്കേണ്ടതുണ്ട്. അവ 1 സായാഹ്നരവിസ്ഫുടം. ഈ സായാഹ്നരവിസ്ഫുടത്തിലെ ഗതഭാഗവും, ഏഷ്യഭാഗവും ഉണ്ടാക്കണം. ഗതഭാഗം നതവിഭാഗത്തിനും, ആനതവിഭാഗത്തിനും ഉപയോഗിക്കണം. ഏഷ്യഭാഗം പരനതവിഭാഗത്തിനും, അപരനതവിഭാഗത്തിനും ഉപയോഗിക്കണം.

സായനരവി എന്ന പോസ്റ്റ്‌ തുടര്‍ന്ന് വായിക്കുക. ഇവിടെ ക്ലിക്ക് ചെയ്യുക.