യാത്ര പുറപ്പെട്ടപ്പോൾ മുമ്പേ നേരിട്ടുവന്ന ശകുനങ്ങൾ

ചണ്ഡാലാഭ്യാഗമോ യദ്യഹിശിഖിഗുളിക-

ബ്രധ്നജാസ്തത്രസംസ്ഥാഃ,

ശുക്രേന്ദു ചേദ്വധൂനാം, യദി ശശിതനയ-

സ്തത്ര വിദ്വജ്ജനാനാം,

വിപ്രാണാം വാക്പതിശ്ചേദ്യദി, ധരണിസുതഃ

ശസ്ത്രിണാം കീർത്തനീയോ

വർത്മന്യഭ്യാഗമഃ പ്രാഗ്യദി പുനരരുണഃ

ശ്രൈഷ്ഠ്യഭാജാം ജനാനാം. ഇതി.

സാരം :-

ഏഴ് പത്ത് നാല് ആരൂഢം എന്നീ ഭാവങ്ങളിൽ ശനിയോ രാഹുവോ കേതുവോ ഗുളികനോ നിന്നാൽ യാത്ര പുറപ്പെട്ടപ്പോൾ മുമ്പേ നേരിട്ടുവന്നത് ചണ്ഡാലന്മാരാണെന്നു പറയണം. ചന്ദ്രനും ശുക്രനും നിന്നാൽ സ്ത്രീകളാണെന്നും ബുധൻ മേൽപറഞ്ഞ ഭാവങ്ങളിൽ നിന്നാൽ വിദ്വാന്മാരാണെന്നും വ്യാഴം നിന്നാൽ ബ്രാഹ്മണരാണെന്നും ചൊവ്വ നിന്നാൽ ആയുധധാരികളാണെന്നും സൂര്യൻ നിന്നാൽ സ്ഥാനമാനം കൊണ്ട് പ്രാമാണ്യമുള്ളവരാണെന്നും പറയണം. ഇവിടെയെല്ലാം ഗ്രഹയോഗദൃഷ്ടി മുതലായവ ചിന്തിച്ചുകൊള്ളണം.