ബിംബം വിചിന്ത്യതേ യേന ചരരാശിഗതസ്സ ചേല്‍
ഭാവശ്ചലനമാദേശ്യം പാതോƒധോമുഖഗോ യദി
ബിംബസ്ഥാനം ചരരാശി ആയിവന്നാല്‍ ബിംബം (വിഗ്രഹം) ഇളകിയിട്ടുണ്ടെന്നും അധോമുഖരാശി ആയിവന്നാല്‍ ബിംബം (വിഗ്രഹം) വീണുപോയി എന്നും പറയണം. ദേവപ്രശ്നത്തില്‍ ഭാവങ്ങള്‍ക്ക് ഭാവചിന്താക്രമത്തിലുള്ള സകല ന്യായങ്ങളും ചിന്തിച്ചു അവയുടെ പ്രാബല്യമനുസരിച്ച് ദേവപ്രശ്നത്തില്‍ ഫലം പറഞ്ഞുകൊള്ളണം.
ഈ ബിംബരാശി ചരരാശിയായും അധോമുഖരാശിയായും വന്നാലും ബലവാന്മാരായ ശുഭഗ്രഹങ്ങളുടെ യോഗ ദൃഷ്ടികളുണ്ടെങ്കില്‍ ബിംബത്തിനു ചലനമോ, പതനമോ പറയാന്‍ പാടില്ല.
