അരിവ്യഥാ സ്യാദതിപീഡനം ദൃശോർ-
വ്വിഷാഗ്നിശസ്ത്രഹതിരാപദുദ് ഗമഃ
വധൂസുതാപ്തിർനൃപതേർമ്മഹാഭയം
ഭുജംഗവർഷേ തിമിരാരിണാ ഹൃതേ.
രാഹുദശയിലെ സൂര്യന്റെ അപഹാരകാലം ശത്രുക്കളിൽ നിന്നും ഉപദ്രവവും കണ്ണുകളിൽ വ്യാധിപീഡയും വിഷം, അഗ്നി, ആയുധം എന്നിവകളിൽ നിന്ന് പീഡയും ആപത്തുകളും സംഭവിക്കുകയും ഭാര്യയും പുത്രന്മാരും ലഭിക്കുകയും മരണമോ തത്തുല്യമായ മറ്റു കഷ്ടങ്ങളോ നേരിടുകയും ഫലമാകുന്നു. ഈ സൂര്യന്റെ അപഹാരകാലം ദാനങ്ങളും ധർമ്മങ്ങളും ചെയ്യുകയും ദുഃഖങ്ങൾക്ക് നിവൃത്തി ലഭിക്കുകയും സഞ്ചരിക്കുകയും ചെയ്യും. സൂര്യന്റെ മാരകത്വനിവൃത്തിക്കായി സൂര്യനമസ്കാരവും സൂര്യശാന്തിയും ദാനങ്ങളും ചെയ്കയും വേണം.