ചൊവ്വയുടെ ദശാഫലങ്ങളെ പറയുന്നു

ഭൗമസ്യാരിവിമർദ്ദഭൂപസഹജക്ഷി-

ത്യാവികാജൈർദ്ധനം

പ്രദ്വേഷസ്സുതമിത്രദാരസഹജൈർ-

വ്വിദ്വദ് ഗുരുദ്വേഷിതാ

തൃഷ്ണാസൃഗ്ജ്വരപിത്തഭംഗജനിതാ

രോഗാഃ പരസ്ത്രീഷ്ടതാ

പ്രീതിഃ പാപരതൈരധർമ്മനിരതിഃ

പാരുഷ്യ തൈക്ഷ്ണ്യാദി ച.

സാരം :-

ചൊവ്വയുടെ (കുജന്റെ ) ദശാപഹാരാദി കാലങ്ങളിൽ ശത്രുക്കളോടു പടവെട്ടി ജയിക്കുക; പൌരുഷപരാക്രമികൾ നിമിത്തമുള്ള രാജ പ്രീതി, സ്വസമാനോദരന്മാരുടെ പ്രയത്നാദികൾ, കൃഷിസ്ഥലം, കരിമ്പടം മുതലായ ആട്ടുരോമങ്ങളേക്കൊണ്ടുണ്ടാക്കുന്ന പദാർത്ഥങ്ങൾ, ആടുകൾ, ആട്ടിൻ തോല് മുതലായതുകൾ, സേനാനായകസ്ഥാനം ഇത്യാദികൾ നിമിത്തമായി ധനലാഭാദികളും, തന്റെ ഭാര്യാസന്താനങ്ങൾ ബന്ധുക്കൾ സഹോദരന്മാർ ഇവരോടു വിരോധം കലഹം മുതലായതുകളും, വിദ്വാന്മാർ, അച്ഛൻ, അമ്മ, വിദ്യോപദേഷ്ടാവ് എന്നീ ഗുരുഭൂതന്മാരെ ദ്വേഷിയ്ക്കുകയും, ദാഹവും, രക്തം, പിത്തം, ചതവ്, മുറിവ്, ഇത്യാദികളാൽ ശരീരാസ്വാസ്ഥ്യവും, പനിയും പരദാരാഭിലാഷവും, ദുഷ്കർമ്മം ചെയ്യുന്നവരോട് സന്തോഷവും, ദുഷ്കർമ്മത്തിങ്കൽ താൽപര്യവും, ദയയില്ലായ്മയും, കാലം, ദേശം, അവസ്ഥ, സദസ്സ് അല്ലെങ്കിൽ ആള് ഇതുകളൊന്നും വിചാരിയ്ക്കാതെ ഉഗ്രമായി ഉറക്കെ സംസാരിയ്ക്കയും മറ്റുമാണ് കുജദശയിൽ അനുഭവിയ്ക്കേണ്ടിവരുന്ന ഫലങ്ങൾ.