ബഹുധനതനയസ്ത്രീകീർത്തിവിദ്യായുരായേ
പ്രഭുരഭിമതഭൃത്യസ്സിദ്ധകർമ്മാതിതേജാഃ
വികലദൃഗസുതാർത്ഥഃ പിത്രമിത്രോƒബലോƒന്ത്യേ
സവിതരി പതിതോƒദ്ധ്വന്യോƒംഗഹീനഃ ഖലശ്ച.
പതിനൊന്നാം ഭാവത്തിൽ സൂര്യൻ നിൽക്കുമ്പോൾ ജനിക്കുന്നവൻ വളരെ ധനവും പുത്രന്മാരും ഭാര്യയും യശസ്സും വിദ്യയും ആയുസ്സും ഉള്ളവനായും ഏറ്റവും പ്രഭുവായും നല്ല ഭൃത്യന്മാരോടുകൂടിയവനായും ഏറ്റവും കർമ്മകുശലനായും വളരെ തേജസ്സും സ്വശക്തിയും ഉള്ളവനായും ഭവിക്കും.
പന്ത്രണ്ടാം ഭാവത്തിൽ സൂര്യൻ നിൽക്കുമ്പോൾ ജനിക്കുന്നവൻ കണ്ണിനു വൈകല്യം ഉള്ളവനായും പുത്രന്മാരും ധനവും ഇല്ലാത്തവനായും പിതാവിന് വിരോധിയായും ബലഹീനനായും പതിതനായും വൃഥാ വഴി നടക്കുന്നവനായും അംഗഹീനനായും ദുസ്സ്വഭാവമുള്ളവനായും ഭവിക്കും.
