വർജ്ജ്യസ്ത്രീഷ്ടോ ന ബഹുവിഭവോ ഭൂരിഭാര്യോ വൃഷസ്ഥേ
ഖ്യാതസ്സ്വോച്ചേ ഗണപുരബലഗ്രാമപൂജ്യോƒർത്ഥവാംശ്ച
കർക്കിണ്യസ്വോ വികലദശനോ മാതൃഹീനോƒസുതോƒജ്ഞ-
സ്സിംഹേƒനാര്യോ വീസുഖതനയോ വിഷ്ടികൃൽ സൂര്യപുത്രേ.
ഇടവം രാശിയിൽ ശനി നിൽക്കുമ്പോൾ ജനിക്കുന്നവൻ ആഗമ്യകളായ സ്ത്രീകളിൽ ആഗ്രഹമുള്ളവനായും വളരെ സമ്പത്തുകളില്ലാത്തവനായും അനേകഭാര്യമാരോടുകൂടിയവനായും ഭവിക്കും.
ശനിയുടെ ഉച്ചരാശിയായ തുലാം രാശിയിൽ ശനി നിൽക്കുമ്പോൾ ജനിക്കുന്നവൻ പ്രസിദ്ധനായും സംഘം, പുരം, ഗ്രാമം, ദേശം, സൈന്യം എന്നീ സ്ഥാനങ്ങളിൽ പൂജ്യതയുള്ളവനായും ധനവാനായും ഭവിക്കും.
കർക്കിടകം രാശിയിൽ ശനി നിൽക്കുമ്പോൾ ജനിക്കുന്നവൻ ധനഹീനനായും പല്ലുകൾക്ക് വൈകല്യം ഉള്ളവനായും മാതാവിനോട്‌ വേർപ്പെട്ടവനായും പുത്രന്മാരില്ലാത്തവനായും അറിവില്ലാത്തവനായും ഭവിക്കും.
ചിങ്ങം രാശിയിൽ ശനി നിൽക്കുമ്പോൾ ജനിക്കുന്നവൻ അപൂജ്യനായും സുഖവും പുത്രന്മാരും ഇല്ലാത്തവനായും ഭാരങ്ങളെ വഹിക്കുന്നവനായും ഭവിക്കും.
