ദ്വിഭാര്യോƒർത്ഥീ ഭീരുഃ പ്രബലമദശോകശ്ച ശശിഭേ
ഹരൗ യോഷാപ്താർത്ഥഃ പ്രവരയുവതിർമ്മന്ദതനയഃ
ഗുണൈഃ പൂജ്യസ്സ്‌സ്വസ്തുരഗസഹിതേ ദാനവഗുരൗ
ഝഷേ വിദ്വാനാഢ്യോ നൃപജനിതപൂജോƒതിസുഭഗഃ
സാരം :-
കർക്കിടകം രാശിയിൽ ശുക്രൻ നിൽക്കുമ്പോൾ ജനിക്കുന്നവൻ രണ്ടുഭാര്യമാരുള്ളവനായും യാചിക്കുന്നവനായും ഭയവും അധികമായ ഗർവ്വവും ദുഃഖവും അല്ലെങ്കിൽ ഏറ്റവും കാമപാരവശ്യവും ഉള്ളവനായും ഭവിക്കും.
ചിങ്ങം രാശിയിൽ ശുക്രൻ നിൽക്കുമ്പോൾ ജനിക്കുന്നവൻ സ്ത്രീകളിൽ നിന്ന് ലഭിയ്ക്കപ്പെട്ട ധനവും ശ്രേഷ്ഠതയുള്ള ഭാര്യയും ഉള്ളവനായും പുത്രന്മാർ കുറഞ്ഞിരിക്കുന്നവനായും ഭവിക്കും.
ധനു രാശിയിൽ ശുക്രൻ നിൽക്കുമ്പോൾ ജനിക്കുന്നവൻ ഗുണങ്ങൾ നിമിത്തം അന്യന്മാരാൽ പൂജിക്കപ്പെടുന്നവനായും ധനവാനായും ഭവിക്കും.
ശുക്രന്റെ ഉച്ചരാശിയായ മീനം രാശിയിൽ ശുക്രൻ നിൽക്കുമ്പോൾ ജനിക്കുന്നവൻ വിദ്വാനായും പണ്ഡിതനായും പ്രഭുവായും രാജാക്കന്മാരാൽ സൽക്കരിക്കപ്പെടുന്നവനായും ഏറ്റവും സൌഭാഗ്യശാലിയായും ഭവിക്കും.
