ഉച്ചസ്ഥിതസ്യാപി ശശാങ്കസൂനോർ-
ദശാമഹത്വം കുരുതേƒതിസൗഖ്യം
ദേഹസ്യ സൗഖ്യം ധനധാന്യവിദ്യാ-
ഗോവാജിമത്തേഭകകലാപടുത്വം.
സാരം :-
ഉച്ചത്തിൽ നിൽക്കുന്ന ബുധന്റെ ദശാകാലം ഉന്നതിയും മഹത്തായ സുഖവും ആരോഗ്യവും ധനധാന്യവർദ്ധനവും വിദ്യാഭിവൃദ്ധിയും പശുക്കളുടേയും കുതിരയുടേയും ആനയുടേയും ലാഭവും കലാവിദ്യകളിൽ സാമർത്ഥ്യവും ലഭിക്കും. ഇവിടെ ഉച്ചശബ്ദംകൊണ്ടു സാമാന്യമായി കന്നി രാശിയെ മുഴുവൻ ഗ്രഹിക്കാമെന്നും അഭിപ്രായമുണ്ട്.