മേൽപറഞ്ഞ ഫലങ്ങളെ പൂർണ്ണമായി അനുഭവിയ്ക്കേണ്ടതിനുള്ള ലക്ഷങ്ങളേയും, മറ്റു ഗ്രഹങ്ങളുടെ രാശിസ്ഥിതിഫലങ്ങളെ പറയേണ്ട രീതിയേയുമാണ് ഇനി പറയുന്നത്

ബലവതി രാശൌ തദധിപതൌ ച

സ്വബലയുതഃ സ്യാദ്യദി തുഹിനാംശുഃ

കഥിതഫലാനാമവികലദാതാ

ശശിവദതോƒന്യേപ്യനുപരിചിന്ത്യാഃ   

സാരം :-

ചന്ദ്രൻ നിൽക്കുന രാശിക്കും തദധിപനും ആ ചന്ദ്രനും പൂർണ്ണബലമുണ്ടായിരുന്നാൽ മേൽപറഞ്ഞ ഫലങ്ങളെല്ലാം പരിപൂർണ്ണമായി അനുഭവപ്പെടുന്നതാണ്. ഇതിൽ ഏതിനെങ്കിലും ബലക്ഷയമുണ്ടെങ്കിൽ അതിന്റെ ഫലത്തിനു വൈകല്യമുണ്ടാവുമെന്നും, തീരെ ബലമില്ലെങ്കിൽ അതിന്റെ ഫലം ഒട്ടും അനുഭവിക്കുകയില്ലെന്നും അറിയുക. ഈ രീതിയനുസരിച്ചുതന്നെ മുകളിൽ പറയുവാൻ പോകുന്ന മറ്റു ഗ്രഹങ്ങളുടെ ഫലാനുഭവത്തെ തീർച്ചപ്പെടുത്തുകയും വേണം.