ആയുർദായാനയനം

സത്യോക്തേ ഗ്രഹമിഷ്ടം ലിപ്താഃ കൃത്വാ ശതദ്വയേനാപ്തേ

മണ്ഡലഭാഗവിശുദ്ധേബ്ദാഃ സുശ്ശേഷാത്തു മാസാദ്യാഃ

സാരം :-

ആയുർദായാനയനം കണക്കാക്കുവാൻ സത്യാചാര്യന്റെ അഭിപ്രായത്തിൽ ഇഷ്ടഗ്രഹത്തെ ലിപ്തമാക്കിയിട്ട് (ഇലികളാക്കിയിട്ട്) അതിനെ ഇരുനൂറുകൊണ്ട് ഹരിച്ചാൽ കിട്ടുന്ന സംഖ്യയെ പന്ത്രണ്ടുകൊണ്ട് ഹരിച്ചാൽ വർഷം കിട്ടും. ശിഷ്ടമായി ലഭിച്ച സംഖ്യയിൽ നിന്ന് ഈ വിധം മാസം ദിനം എന്നിവയും കാണാവുന്നതാണ്.

താല്ക്കാലിക ഗ്രഹം 1 - 8 - 56 - 0 ഈ ഗ്രഹനിലയെ ഇലികളാക്കിയാൽ 2325 എന്ന് കിട്ടുന്നു. ഇതിനെ 200 കൊണ്ട് ഹരിച്ചാൽ 11 എന്ന് കിട്ടും. അത് വർഷമാകുന്നു. ശിഷ്ടം 125. ഈ സംഖ്യയെ 12 കൊണ്ട് ഗുണിയ്ക്കുക. അപ്പോൾ 1500. ഇതിനെ 200 കൊണ്ട് ഹരിച്ചാൽ 7 കിട്ടും. ശിഷ്ടം 100. ഇതിനെ 30 കൊണ്ട് ഗുണിയ്ക്കുമ്പോൾ 3000. 3000 ത്തിനെ 200 കൊണ്ട് ഹരിച്ചാൽ 15 കിട്ടും. ശിഷ്ടം ഇല്ല. അപ്പോൾ ഇഷ്ട ഗ്രഹത്തിന്റെ ആയുർദായാനയനം 11 വർഷം 7 മാസം 15 ദിവസം 0 മണിക്കൂർ.