സൂര്യസ്ഫുടഗതികൊണ്ടു സംഭവിക്കുന്നത് സൗരദിനം. മേഷസംക്രമം മുതൽ ഇടവസംക്രമം വരെയുള്ള ദിനങ്ങൾ ചേർന്നത് ഒരു മാസം. ഇടവസംക്രമം മുതൽ മിഥുനസംക്രമം വരെ രണ്ടാമത്തെ മാസം, ഇങ്ങനെ സംക്രമം മുതൽ സംക്രമം വരെയുള്ള ദിനങ്ങൾ ചേർന്നുണ്ടാകുന്ന മാസങ്ങൾക്കാണ് സൗരമാസങ്ങൾ എന്ന് പറയുന്നത്. ഈ സൗരമാസങ്ങൾക്ക് ഓരോന്നിനും സൂര്യസ്ഫുടഗതികൊണ്ട് ദിനങ്ങൾക്കു ഏറ്റകുറവുകൾ സംഭവിക്കുന്നുണ്ട്. പന്ത്രണ്ടുമാസത്തിന്നും കൂടി ഒരു സംവത്സരത്തിനു മുന്നൂറ്റിഅറുപത്തിയഞ്ചെകാൽ സാവനദിവസം വരും. അതിനാൽ നാല് വർഷം കൂടുമ്പോൾ ഒരു വർഷത്തിനു ഒരു സാവന ദിവസം കൂടുതൽ വരുന്നതായിരിക്കും.
. . ഹരിശ്രീ ഗണപതയെ നമഃ അവിഘ്നമസ്തു ശ്രീ ഗുരുഭ്യോ നമഃ നവഗ്രഹേഭ്യോ നമഃ . .
