നീചസ്ഥിതസ്യാപി ധരാസുതസ്യ
ദായേ കുവൃത്ത്യാ സ്വജനാദിരക്ഷാം
കുഭോജനം ഗോഗജവാജിനാശം
ബന്ധുക്ഷയം ചോരനൃപാഗ്നിഭീതിം.
സാരം :-
നീചത്തിൽ നിൽക്കുന്ന ചൊവ്വായുടെ ദശാകാലം പ്രയാസപ്പെട്ടും നിന്ദ്യപ്രവൃത്തി ചെയ്തും കുടുംബം പുലർത്തുകയും നിത്യവൃത്തിയിൽ ക്ലേശിക്കുകയും സുഖഭോജനം ലഭിക്കായ്കയും പശു, കാള, ആന, കുതിര മുതലായവയ്ക്ക് നാശം സംഭവിക്കുകയും ബന്ധുക്ഷയവും കള്ളന്മാരിൽനിന്നും അഗ്നിയിൽ നിന്നും രാജാവിൽ നിന്നും ഭയം നേരിടുകയും ചെയ്യും.