ദേവബ്രാഹ്മണസജ്ജനാർച്ചനരതോ
വിദ്വാൻ വിവാദീ ചല-
ച്ചിത്തഃ സ്ത്രീജനകാമകേളിചതുര-
സ്സ്വക്ഷോ മഹീക്ഷിൽപ്രിയഃ
സഞ്ചാര്യല്പസുതോ ദ്വിനാമസഹിതോ
ദക്ഷഃ ക്രയേ വിക്രയേ
ഭീരുശ്ശാന്തമതിഃകൃശോഛ്റിതതനുർ-
ജ്ജൂകാംഗജാതോ ഭവേൽ.
തുലാലഗ്നത്തിൽ ജനിക്കുന്നവൻ ദേവന്മാരെയും സജ്ജനങ്ങളെയും ബ്രാഹ്മണരേയും പൂജിക്കുവാൻ താൽപര്യമുള്ളവനായും വിദ്വാനായും വ്യവഹാരപ്രിയനായും മനസ്സ് ഇളകിക്കൊണ്ടിരിക്കുന്നവനായും സ്ത്രീകളിലും കാമകേളിയിലും സാമർത്ഥ്യമുള്ളവനായും ഭംഗിയുള്ള കണ്ണുകളോടുകൂടിയവനായും രാജപ്രിയനായും സഞ്ചാരിയായും പുത്രന്മാർ കുറഞ്ഞിരിക്കുന്നവനായും രണ്ടുപേരുകളുള്ളവനായും ക്രയവിക്രയങ്ങളിൽ നിപുണനായും ഭയചഞ്ചലനായും സമാധാനശീലമുള്ളവനായും ചടച്ചുനീണ്ട ശരീരത്തോടുകൂടിയവനായും ഭവിക്കും.