നൈകരോഗകദനം സുഹൃൽസുത-
സ്ത്രീരുജാവ്യസനമാതൃപീഡനം
പ്രാണഹാനിരഥവാ ഭവേച്ഛനൗ
മാരബന്ധുവയസോƒന്തരം ഗതേ.
സാരം :-
ചന്ദ്രദശയിലെ ശനിയുടെ അപഹാരകാലം അനേകതരത്തിലുള്ള രോഗങ്ങളെക്കൊണ്ട് ദുഃഖവും ബന്ധുക്കൾക്കും സന്താനങ്ങൾക്കും ഭാര്യയ്ക്കും മാതാവിനും രോഗദുഃഖാദ്യരിഷ്ടകളും അഥവാ മരണവും സംഭവിക്കുന്നതാണ്.
ശനിയുടെ മാരകത്വദോഷനിവൃത്ത്യർത്ഥം മൃത്യുഞ്ജയമന്ത്രജപവും (മൃത്യുഞ്ജയഹോമവും) കറുത്ത പശുവിന്റെ ദാനവും പ്രായശ്ചിത്തം ചെയ്യേണ്ടതാണ്.