കുതനുരതിരുഗസ്വോല്പായുതായുഷ്യധർമ്മീ
തപസിനൃപതിബന്ധുസ്താതഹാതീവഹിംസ്രഃ
നഭസി വിഭുരധൃഷ്യഃ കർമ്മശൂരഃ പ്രതാപീ
ഭവതി സുജനസേവ്യഃ പുത്രകീർത്ത്യർത്ഥവാംശ്ച.
സാരം :-
എട്ടാം ഭാവത്തിൽ ചൊവ്വ നിൽക്കുമ്പോൾ ജനിക്കുന്നവൻ കുത്സിതമായ ശരീരവും പലപ്രകാരത്തിലും രോഗപീഡയും ഉള്ളവനായും ധനമില്ലാത്തവനായും ആയുർബലമില്ലാത്തവനായും ആചാരവും ധർമ്മവും കുറവുള്ളവനായും ഭവിക്കും.
ഒമ്പതാം ഭാവത്തിൽ ചൊവ്വ നിൽക്കുമ്പോൾ ജനിക്കുന്നവൻ രാജാവിന് അത്യന്തം ഇഷ്ടമുള്ളവനായും പിതാവിന് ഹാനിയോ അനിഷ്ടമോ ചെയ്യുന്നവനായും ഹിംസയിൽ ഏറ്റവും താല്പര്യമുള്ളവനായും ജനങ്ങൾക്ക് ഉപദ്രവകാരിയായും പാപമുള്ളവനായും ഭവിക്കും.
പത്താം ഭാവത്തിൽ ചൊവ്വനിൽക്കുമ്പോൾ ജനിക്കുന്നവൻ പ്രഭുവായും അപ്രാപ്യനായും എല്ലാകാര്യങ്ങളിലും ഏറ്റവും ഉത്സാഹവും സാഹസവും ഉള്ളവനായും പ്രതാപിയായും സജ്ജനങ്ങളാൽ സേവിക്കപ്പെടുന്നവനായും പുത്രന്മാരും കീർത്തിയും ധനവും ഉള്ളവനായും ഭവിക്കും.
