പ്രാജ്ഞസ്സുവേഷചതുരസ്സധനാം സമേതി
ജായാം മദേ സകലഹാം മഹിതഃകലാവിൽ
ഖ്യാതോ നൃപഃ കുലപതിർബ്ബലനായകോ വാ
ദീർഘായുരർത്ഥഗുണഭോജനമഷ്ടമസ്ഥേ.
സാരം :-
ഏഴാം ഭാവത്തിൽ ബുധൻ നിൽക്കുമ്പോൾ ജനിക്കുന്നവൻ വിദ്യയും ബുദ്ധിയും അറിവും നല്ല വേഷാലങ്കാരങ്ങളും സൗന്ദര്യവും സാമർത്ഥ്യവും ഉള്ളവനായും വളരെ സ്ത്രീധനം ലഭിക്കുന്നവനായും കലഹശീലമുള്ള ഭാര്യയെ വിവാഹം കഴിക്കുന്നവനായും പൂജ്യതയും മഹത്വവും കലാവിദ്യകളിൽ നൈപുണ്യവും ഉള്ളവനായും ഭവിക്കും.
എട്ടാം ഭാവത്തിൽ ബുധൻ നിൽക്കുമ്പോൾ ജനിക്കുന്നവൻ വളരെ പ്രസിദ്ധിയുള്ളവനായും രാജാവോ രാജതുല്യനോ പടനായകനോ ആയും കുലമുഖ്യനായും ദീർഘായുസ്സും ധനവും അനേകഗുണങ്ങളും ഉള്ളവനായും ഭവിക്കും.
