വിദ്യാധനാർത്ഥഗുണധർമ്മയുതഃ പ്രവീണഃ
സ്വാചാരവാംസ്തപസി വാക്പതിരത്യുദാരഃ
സിദ്ധാർത്ഥസൗഖ്യബലഭൂഷണബുദ്ധികീർത്തി-
പാണ്ഡിത്യഭാഗ്ഭവതി ഖേ സഫലക്രിയശ്ച.
ഒമ്പതാം ഭാവത്തിൽ ബുധൻ നിൽക്കുമ്പോൾ ജനിക്കുന്നവൻ വിദ്യയും ധനവും വിഭവങ്ങളും അനേകഗുണങ്ങളും ധർമ്മവും സദാചാരവും സാമർത്ഥ്യവും ഉള്ളവനായും തനിക്ക് ഉചിതങ്ങളായ പ്രവൃത്തികളെ ചെയ്യുന്നവനായും വാക്സാമർത്ഥ്യവും ഔദാര്യവും ഉൽകൃഷ്ടതയും ഉള്ളവനായും ഭവിക്കും.
പത്താം ഭാവത്തിൽ ബുധൻ നിൽക്കുമ്പോൾ ജനിക്കുന്നവൻ എല്ലാ കാര്യങ്ങളെയും സാധിക്കുന്നവനായും സുഖവും സമ്പത്തും ബലവും വിശേഷങ്ങളായ വസ്ത്രാഭരണാദ്യലങ്കാരങ്ങളും ബുദ്ധിയും യശസ്സും വിദ്യയും പാണ്ഡിത്യവും ഉള്ളവനായും തുടങ്ങുന്ന കാര്യങ്ങളെ സഫലങ്ങളാക്കി ചെയ്യുന്നവനായും ഭവിക്കും.
