മേടം രാശിയിൽ നിൽക്കുന്ന ചൊവ്വായുടെ ദശാകാലം

ക്രിയഗതഭൗമദശായാം

പ്രവർത്തതേ ഖ്യാതിമാൻ മഹോത്സാഹീ

പിത്താഗ്നിചോരബാധ-

ബഹ്വായാസേന സപ്തഃ

മൂലത്രികോണ സ്ഥിതഭൗമദായേ

മൃഷ്ടാന്നപാനംബരഭൂഷണാർത്ഥാൻ

പുരാണധർമ്മശ്രുതിപുത്രദാര-

പ്രാപ്തിം കൃഷിം ഭ്രാതൃസുഖം സമേതി.

സാരം :-

മേടം രാശിയിൽ നിൽക്കുന്ന ചൊവ്വായുടെ ദശാകാലം പ്രസിദ്ധിയും വലുതായ ഉത്സാഹവും ഉണ്ടായിരിക്കുകയും പിത്തം, അഗ്നി, കള്ളന്മാർ, ഇത്യാദികളിൽ നിന്ന് ഉപദ്രവവും വലിയ ശ്രമങ്ങളെക്കൊണ്ടുള്ള ക്ലേശവും അനുഭവിക്കുന്നതാണ്.

മേടം രാശിയിൽ ആദ്യത്തെ പന്ത്രണ്ട് തിയതിക്കകമുള്ള മൂലത്രികോണങ്ങളിൽ നിൽക്കുന്ന ചൊവ്വായുടെ ദശാകാലം സുഖമായ ഭക്ഷണവും വിദേശവസ്ത്രങ്ങളും ആഭരണങ്ങളും ധനവും ലഭിക്കുകയും പുരാണശ്രവണത്തിലും ധർമ്മകാര്യങ്ങൾ കേൾക്കുന്നതിലും താൽപര്യവും പുത്രലാഭവും ഭാര്യാലബ്ധിയും (ഭാര്യാസുഖവും) കൃഷിഗുണവും സഹോദരസുഖവും ഭൂമിലാഭം, വാഹനലാഭം, ഗൃഹാധിപത്യം, കീർത്തി മുതലായ മറ്റുഗുണഫലങ്ങളും സിദ്ധിക്കുകയും ചെയ്യും.

മൂലത്രികോണബലം

ഉച്ചബലക്രിയ എന്ന പോസ്റ്റിന്‍റെ തുടര്‍ച്ചയാണ് താഴെ കൊടുത്തിരിക്കുന്നത്. ഇവിടെ ക്ലിക്ക് ചെയ്യുക. 

മൂലത്രികോണബലം

ഒരു ഗ്രഹം തന്‍റെ മൂലത്രികോണത്തിലാണ് നില്‍ക്കുന്നതെങ്കില്‍ 60 ല്‍ 45 ഭാഗം ബലം ആ ഗ്രഹത്തിനുണ്ട്. സ്വക്ഷേത്രത്തില്‍ നില്‍ക്കുന്ന ഗ്രഹത്തിന് 60 ല്‍ 30 ഭാഗമാണ് ബലം. അതിബന്ധുക്ഷേത്രത്തില്‍ നില്‍ക്കുന്ന ഗ്രഹത്തിന് 60 ല്‍ 22 1/2 ഭാഗമാണ് ബലം. ബന്ധുക്ഷേത്രത്തില്‍ നില്‍ക്കുന്ന ഗ്രഹത്തിന് 60 ല്‍ 7 1/2 ഭാഗമാണ് ബലം. ശത്രുക്ഷേത്രത്തില്‍ നില്‍ക്കുന്ന ഗ്രഹത്തിന് 60 ല്‍ 15/8 ഭാഗമാണ് ബലം. ഇതാണ് മൂലത്രികോണാദിബലക്രമം.

ജാതകരചന എന്ന പോസ്റ്റ്‌ തുടര്‍ന്ന് വായിക്കുക. ഇവിടെ ക്ലിക്ക് ചെയ്യുക.