ചിലർ പശുവിന് പകരം പിഷ്‌ട പശുവിനെ ഉപയോഗിച്ച് യാഗം ചെയ്യുന്നുണ്ടല്ലോ?

ജീവ പശുവിന്റെ പ്രതീകമായി പിഷ്ട പശുവിനെ ഉപയോഗിച്ചാൽ അതിൽ നിന്ന് വപ കിട്ടുകയില്ല. മാനിന്റെ പ്രതിമയിൽ നിന്ന് കസ്തുരിയും കാളയുടെ പ്രതിമയിൽ നിന്ന് ഗോരോചനവും കിട്ടുകയില്ലല്ലോ. അങ്ങനെ എല്ലാറ്റിനും പ്രതീകം മതിയായിരുന്നെങ്കിൽ തീപ്പെട്ടിയുള്ള ഈ കാലത്ത് വൈദികയാഗത്തിന് അരണികടഞ്ഞ് അഗ്നിയെ ഉൽപ്പാദിപ്പിക്കേണ്ട ആവശ്യം ഇല്ലായിരുന്നല്ലോ. തീപ്പെട്ടികൊണ്ട് അനായാസം അഗ്നി ലഭിക്കുമല്ലോ.