യൽക്കാര്യമാരബ്ധമുപൈത്യനേന
തൽക്കാര്യസിദ്ധിം സുഖജീവനം ച
കർമ്മേശദായേ കുശലപ്രവൃത്തിം
രാജ്യശ്രിയം കീർത്തിമപി പ്രതിഷ്ഠാം
സാരം :-
ബലവാനും ഇഷ്ടഭാവസ്ഥനുമായ പത്താം ഭാവാധിപനായ ഗ്രഹത്തിന്റെ ദശയിൽ ആരംഭിക്കുന്ന ഏത് കാര്യത്തിലും ഫലപ്രാപ്തി ഉണ്ടാവുകയും നിത്യവൃത്തി സുഖമായി കഴിയുകയും നല്ലകാര്യങ്ങളെ ചെയ്കയും രാജ്യലക്ഷ്മിയെ അനുഭവിക്കുകയും കീർത്തിയും ഉറപ്പും ലഭിക്കുകയും ചെയ്യും.
***************************************
യദ്യൽ കർമ്മ കരോതി തത്തദഫലം
സ്യാന്മാനഹാനിർന്നഭോ-
നാഥേ ഹീനബലേ പ്രവാസമശുഭം
ദുർവ്യത്തിമാപന്നതാം
സാരം :-
ബലഹീനനായ പത്താം ഭാവാധിപനായ ഗ്രഹത്തിന്റെ ദശയിൽ ഏതൊരു പ്രവൃത്തി ചെയ്താലും അതെല്ലാം നിഷ്ഫലമായി ഭവിക്കും. മാനഹാനിയും അന്യദേശവാസവും അമംഗലവും ദുർവൃത്തിയും ആപത്തുക്കളും സംഭവിക്കുകയും ചെയ്യും.