അശുഭയോഗം :- മുഹൂര്‍ത്ത സമയത്ത് ശ്രദ്ധിക്കേണ്ട കാര്യങ്ങള്‍ ഏവ? എന്ന പോസ്റ്റിന്റെ തുടര്‍ച്ചയാണ് താഴെ കൊടുത്തിരിക്കുന്നത്. ഇവിടെ ക്ലിക്ക് ചെയ്യുക.
ഗണ്ഡാന്തം :- മുഹൂര്‍ത്തസമയത്ത് ശ്രദ്ധിക്കേണ്ട കാര്യങ്ങള്‍ ഇവ?
ഗണ്ഡാന്തം എന്ന ദോഷം നക്ഷത്രം തിഥി രാശി എന്നിവകള്‍ക്കെലാമുണ്ട്. എന്നാല്‍ നക്ഷത്രഗണ്ഡാന്തം മാത്രം വര്‍ജിച്ചാല്‍ മതിയെന്ന് മുഹൂര്‍ത്ത വിധി കാണുന്നു. മാധാവാചാര്യന്‍ ഇവ മൂന്നും വര്‍ജ്യം തന്നെയെന്നു പറയുന്നുണ്ട്. അശ്വതി, മകം, മൂലം, ഈ നാളുകള്‍ക്കു ആരംഭം മുതല്‍ 15 നാഴിക കഴിവോളം - ആദ്യപാദം - ഗണ്ഡാന്തകാലമാണ്. രേവതി, ആയില്യം, തൃക്കേട്ട ഇവക്കു മൂന്നിനും അവസാനം 15 നാഴിക - അന്ത്യപാദം - ഗണ്ഡാന്തമാകുന്നു. ഇങ്ങനെ ആറു നാളുകള്‍ക്കാണ് "ഗണ്ഡാന്തം" വരുന്നത്. ഇവ ശുഭകര്‍മ്മങ്ങള്‍ക്ക് വര്‍ജിക്കണം
അശ്വിമൂലമഘാദ്യംശാഃ പൗഷ്ണാഹീന്ദ്രാന്ത്യപാദകാഃ
ഏതേനക്ഷത്രഗണ്ഡാന്താ വിവര്‍ജ്യാസര്‍വ്വകര്‍മ്മാസു
എന്ന് ശാസ്ത്രവിധി
രാശിഗണ്ഡാന്തം :-
മേടം, ചിങ്ങം, ധനു ഈ രാശികള്‍ക്കോരോന്നിനും ആരംഭംമുതല്‍ ഓരോ നാഴിക ഗണ്ഡാന്തമാണ്. കര്‍ക്കിടകം, വൃശ്ചികം, മീനം, ഈ രാശികള്‍ക്കോരോന്നിനും അവസാനം ഓരോ നാഴിക ഗണ്ഡാന്തമാണ്. ഇവ ശുഭകര്‍മ്മങ്ങള്‍ക്ക് വര്‍ജിക്കണം
ചാപസിംഹ മജാനാംതു നാെെഡകം പ്രഥമംതഥാ
കര്‍ക്കിവൃശ്ചിക മീനാനാമാന്ത്യാംശം ചൈവമാചരേല്‍.
എന്ന് വിധി.
തിഥിഗണ്ഡാന്തം :-
പഞ്ചമീദശമീവാവ് ഈ തിഥികളുടെ അന്ത്യത്തിലും, പ്രതിപാദം ഷഷ്ഠീ ഏകാദശി ഈ തിഥികളുടെ ആദ്യത്തിലും 3 നാഴികവീതം തിഥിഗണ്ഡാന്തമാണ്. ഇവ ശുഭകര്‍മ്മങ്ങള്‍ക്ക് വര്‍ജിക്കണം.
ഉഷ്ണശിഖ :- മുഹൂര്‍ത്ത സമത്ത് ശ്രദ്ധിക്കേണ്ട കാര്യങ്ങള്‍ ഏവ? എന്ന പോസ്റ്റ്‌ തുടര്‍ന്ന് വായിക്കുക. ഇവിടെ ക്ലിക്ക് ചെയ്യുക.
ഉഷ്ണശിഖ :- മുഹൂര്‍ത്ത സമത്ത് ശ്രദ്ധിക്കേണ്ട കാര്യങ്ങള്‍ ഏവ? എന്ന പോസ്റ്റ്‌ തുടര്‍ന്ന് വായിക്കുക. ഇവിടെ ക്ലിക്ക് ചെയ്യുക.
