വാസ്തു ഉപകരണങ്ങളില്‍ വച്ച് ഏറ്റവും പ്രധാനപ്പെട്ടത് ശില്പിയുടെ കണ്ണാണ്. അളവുകളില്‍ ഉള്‍പ്പെടെ ഉണ്ടാകാവുന്ന തെറ്റുകുറ്റങ്ങള്‍ ഒറ്റനോട്ടത്തില്‍ തന്നെ കണ്ടുപിടിക്കാനുള്ള കഴിവ് വാസ്തുശില്പിയുടെ കണ്ണുകള്‍ക്കുണ്ടായിരിക്കണം.
അംഗുലം രേഖപ്പെടുത്തിയുള്ള അളവുകോല്‍, തൂക്കുകട്ട, നൂല്‍മട്ടം നോക്കുന്ന കണപ്പ്. ഡിവൈഡര്‍, അളവുകള്‍ രേഖപ്പെടുത്തുന്നതിനുള്ള ഉപകരണം ഇവയാണ് മറ്റു വാസ്തു ഉപകരണങ്ങള്‍. വാസ്തുശാസ്ത്രത്തില്‍ ദിക്കുകള്‍ക്കനുസൃതമായി സ്ഥലത്തിന്റെയും കെട്ടിടത്തിന്റെയും കിടപ്പ് നിര്‍ണ്ണയിക്കുന്നതിന് വിവിധതരം ടേപ്പുകള്‍ ഉപയോഗിക്കുന്നു. നേര്‍രേഖയിലുള്ള നീളം അളക്കുന്നതിനാണ് ടേപ്പ് ഉപയോഗിക്കുന്നത്.
