കണ്ണെഴുത്ത്

ബാലന്മാർക്ക് കണ്ണിൽ മഷിയെഴുതാൻ ഊണ്‍നാളുകൾ പതിനാറുമാണ് സ്വീകരിക്കേണ്ടത്. ഇതിൽ ദ്വിനേത്രനക്ഷത്രങ്ങളേ തെരഞ്ഞെടുത്ത് ഉപയോഗിക്കണം. തിങ്കൾ, ബുധൻ, വ്യാഴം എന്നീ മൂന്നു ദിവസങ്ങൾ കണ്ണെഴുത്തിന് ഉത്തമം. ദ്വിനേത്രനക്ഷത്രങ്ങളറിവാൻ ഞായറാഴ്ച മുതൽ കണ്ണെഴുത്തിനു നിശ്ചയിക്കുന്ന ദിവസത്തോളമെണ്ണിയ സംഖ്യയും, അശ്വതിമുതൽ അന്നേ ദിവസത്തോളമുള്ള നക്ഷത്രസംഖ്യയും ഒന്നിച്ചുകൂട്ടി ഒമ്പതിൽ ഹരിക്കണം. ശിഷ്ടം വരുന്നതിൽ ആദ്യത്തെ 4 നക്ഷത്രം ദ്വിനേത്രം. പിന്നെ രണ്ടു നക്ഷത്രം ഒറ്റകണ്ണുള്ളവ. ശിഷ്ടം 2 നക്ഷത്രം കുരുടനക്ഷത്രങ്ങൾ. എന്നിങ്ങനെ ഗ്രഹിക്കണം.

ആർക്കാദ്യശ്വാദിവാരർക്ഷെ നവഭക്തോ വിശേഷിതെ

ചതസ്രോദ്വിദൃശഃ കാണാഃ തിസ്രോദ്വേപ്യന്ധസംജ്ഞിതേ.

എന്നതിന് വിധി

ശുക്രോദയം, പാപോദയം, പാപഗ്രഹദൃഷ്ടി, ജന്മാനുജന്മനക്ഷത്രങ്ങൾ എന്നിവ കണ്ണെഴുത്തിന് വർജിക്കണം. പകലും രാത്രിയും കണ്ണെഴുത്തിന് സ്വീകാര്യം തന്നെ. പൂർണ്ണാതിഥികൾ കണ്ണെഴുത്തിന് ശ്രേഷ്ഠങ്ങളാണ്. രിക്താദികൾ കണ്ണെഴുത്തിന് വർജിക്കണം. മറ്റു നിത്യദോഷാദി അഖിലവും കണ്ണെഴുത്തിനു വർജിക്കണം. 

വാസ്തുഉപകരണങ്ങള്‍ എന്തെല്ലാം?

  വാസ്തു ഉപകരണങ്ങളില്‍ വച്ച് ഏറ്റവും പ്രധാനപ്പെട്ടത് ശില്പിയുടെ കണ്ണാണ്. അളവുകളില്‍ ഉള്‍പ്പെടെ ഉണ്ടാകാവുന്ന തെറ്റുകുറ്റങ്ങള്‍ ഒറ്റനോട്ടത്തില്‍ തന്നെ കണ്ടുപിടിക്കാനുള്ള കഴിവ് വാസ്തുശില്പിയുടെ കണ്ണുകള്‍ക്കുണ്ടായിരിക്കണം.

   അംഗുലം രേഖപ്പെടുത്തിയുള്ള അളവുകോല്‍, തൂക്കുകട്ട, നൂല്‍മട്ടം നോക്കുന്ന കണപ്പ്. ഡിവൈഡര്‍, അളവുകള്‍ രേഖപ്പെടുത്തുന്നതിനുള്ള ഉപകരണം ഇവയാണ് മറ്റു വാസ്തു ഉപകരണങ്ങള്‍. വാസ്തുശാസ്ത്രത്തില്‍ ദിക്കുകള്‍ക്കനുസൃതമായി സ്ഥലത്തിന്റെയും കെട്ടിടത്തിന്റെയും കിടപ്പ് നിര്‍ണ്ണയിക്കുന്നതിന് വിവിധതരം ടേപ്പുകള്‍ ഉപയോഗിക്കുന്നു. നേര്‍രേഖയിലുള്ള നീളം അളക്കുന്നതിനാണ് ടേപ്പ് ഉപയോഗിക്കുന്നത്.