കൃഷിഗുണധനധാന്യസ്ത്രീവിലാസാംബരാല-
ങ്കരണസുഖബലൗദാര്യാജ്വലഃ പ്രാജ്യകീർത്തിഃ
നഭസിസസുതസമ്പദ്ഭൃത്യവിദ്യായുരോജോ-
ഗുണബലമതിരായേ ഭൂരിദാതാ ച ശൂരഃ.
സാരം :-
പത്താം ഭാവത്തിൽ ചന്ദ്രൻ നിൽക്കുമ്പോൾ ജനിക്കുന്നവൻ കൃഷിഗുണവും തന്നിമിത്തം ധനധാന്യാഭിവൃദ്ധിയും സ്ത്രീകളുടെ ശൃംഗാരാദി രസഭാവങ്ങളിൽ നിന്നുള്ള സുഖവും വിശേഷവസ്ത്രങ്ങളുടെ അലങ്കാരങ്ങളും പല പ്രകാരേണ സുഖവും ബലവും ഔദാര്യവും നിമിത്തം ഉൽകൃഷ്ടനായും ഏറ്റവും യശഃസ്വിയായും ഭവിക്കും.
പതിനൊന്നാം ഭാവത്തിൽ ചന്ദ്രൻ നിൽക്കുമ്പോൾ ജനിക്കുന്നവൻ വളരെ പുത്രന്മാരും സമ്പത്തും ഭൃത്യന്മാരും വിദ്യയും ആയുസ്സും ഓജസ്സും അനേകഗുണങ്ങളും പ്രബലതയും ബുദ്ധിശക്തിയും ദാനശീലവും ഉള്ളവനായും ഏറ്റവും ശൂരനായും ഭവിക്കും.
