കലഹരതിരവിദ്യാത്യാഗധീ രോഗഭാഗീ
രുചിരതനുരനായുർല്ലക്ഷ്മവാനഷ്ടമസ്ഥേ
തപസി തനയധർമ്മത്യാഗവാംസ്താതഭക്ത-
സ്സസുഖധനസുഹൃൽ സ്ത്രീകാമുകോ യാമിനീശേ.
സാരം :-
എട്ടാം ഭാവത്തിൽ ചന്ദ്രൻ നിൽക്കുമ്പോൾ ജനിക്കുന്നവൻ കലഹപ്രിയനായും വിദ്യയും ഔദാര്യവും ഇല്ലാത്തവനായും രോഗപീഡിതനായും സുന്ദരശരീരനായും ആയുർദൈർഗ്ഘ്യമില്ലാത്തവനായും ശരീരത്തിൽ വ്രണകിണാദികളായ ചിഹ്നങ്ങളുള്ളവനായും ഭവിക്കും.
ഒമ്പതാം ഭാവത്തിൽ ചന്ദ്രൻ നിൽക്കുമ്പോൾ ജനിക്കുന്നവൻ പുത്രന്മാരും പുണ്യവും ധർമ്മവും സദാചാരവും ഔദാര്യവും ഉള്ളവനായും പിത്രാദിഗുരുജനങ്ങളിൽ ഭക്തിയും സുഖവും ധനവും ബന്ധുക്കളും ഉള്ളവനായും സ്ത്രീകൾക്ക് കാമത്തെ ജനിപ്പിക്കുന്നവനായും ഭവിക്കും.
