യാഗകര്‍മ്മങ്ങള്‍ നടത്തുമ്പോള്‍ യാഗഭൂമിയില്‍ യജ്ഞപശുവിനെ കെട്ടാനായി ഒരു തൂണ്‍ നിര്‍ത്താറുണ്ട്. ഈ തൂണിന്റെ മുകള്‍ഭാഗം അലങ്കരിക്കുന്ന വിറകിന്റെ മൂടിയെ പറയുന്ന പേരാണ് ചഷാലം.
. . ഹരിശ്രീ ഗണപതയെ നമഃ അവിഘ്നമസ്തു ശ്രീ ഗുരുഭ്യോ നമഃ നവഗ്രഹേഭ്യോ നമഃ . .
Showing posts with label yagam. Show all posts
Showing posts with label yagam. Show all posts
എന്തിനുവേണ്ടിയാണ് ഇന്ദ്രദൈവതം എന്ന യാഗം നടത്തുന്നത്?
ഇത് ഒരു യാഗമാണ്‌. ഇന്ദ്രദൈവതം എന്ന യാഗം നടത്തുന്നത് പുത്രന്മാരുടെ നന്മയ്ക്ക് വേണ്ടിയിട്ടാണ്. ഒരിക്കല്‍ യുവനേശ്വരന്‍ എന്ന രാജാവിന്റെ ഉദരം പിളര്‍ന്ന് ഒരു ശിശുവുണ്ടായി. നാട്ടില്‍ ഉപേക്ഷിച്ച കുട്ടിയെ അപ്രതീക്ഷിതമായി ഇന്ദ്രന്‍ ദര്‍ശിക്കുകയുണ്ടായി. വിശന്ന് തളര്‍ന്ന ആ കുട്ടി മരിക്കാതിരിക്കാന്‍ അതിന്റെ പാദങ്ങളിലെ പെരുവിരല്‍ വായില്‍ വെച്ച് കൊടുത്തു. ഇത് പാനം ചെയ്താണ് കുട്ടി വളര്‍ന്നതും മാന്ധാതാവായി പ്രശസ്തിയാര്‍ജ്ജിച്ചതും.
യാഗകര്‍മ്മാദികള്‍ക്ക് അഷ്ടാദശധാന്യങ്ങള്‍ ഉപയോഗിക്കാമോ?
യാഗകര്‍മ്മാദികള്‍ക്ക് അഷ്ടാദശധാന്യങ്ങള്‍ ഉപയോഗിക്കുന്നു. ഗോതമ്പ്, തിന, ഉഴുന്ന്, പെരുമ്പയറ്, തുവര, കുരുമുളക്, വരക്, കറുകനെല്ല്, യവം, എള്ള്, മുതിര, ചെറുപയര്‍, അമര, കടല, കടുക്, അമര, വരിനെല്ല്, ചാമ എന്നിവയുള്‍പ്പെടുന്നതാണ് ആ പതിനെട്ട് തരം ധാന്യങ്ങള്‍.
യാഗാഗ്നിയില്‍ അരണിയ്ക്കുള്ള പ്രാധാന്യം എന്ത്?
യജ്ഞശാലയില്‍ ആവശ്യമായ യാഗാഗ്നി നിര്‍മ്മിക്കാനുപയോഗിക്കുന്ന വിറക്. (കൂട്ടിയുരസി അഗ്നി ആവിര്‍ഭവിപ്പിക്കാന്‍ ഉപയോഗിക്കുന്ന തടികഷ്ണം). അരണിയാല്‍ കടഞ്ഞെടുത്ത പരിശുദ്ധാഗ്നി മാത്രമേ യാഗാഗ്നിയായി ഉപയോഗിക്കുകയുള്ളൂ. ഇത് രണ്ടുവിധത്തിലുണ്ട്. ഉത്തരാരണി, അധരാരണി.
അധിവാസം എന്നാല്‍ എന്താണ്?
ദൈവത്തിനായി സമര്‍പ്പിക്കുന്ന പൂജായാഗാദികളെ സുഗന്ധദ്രവ്യങ്ങളാലും പൂക്കളാലും ദീപങ്ങളാലും അണിയിച്ചൊരുക്കുന്ന പ്രവര്‍ത്തനമാണ് അധിവാസം. യജ്ഞപൂജാദികള്‍ക്കനുസൃതം ഇതിനാവശ്യമായ പദാര്‍ത്ഥങ്ങളില്‍ മാറ്റം വന്നേക്കാം. ദീപങ്ങളും പൂവുകളും അധിവാസ പദാര്‍ത്ഥങ്ങളില്‍ ഉള്‍പ്പെടുന്നു.