വ്യാഴത്തിന്റെ അഷ്ടകവർഗ്ഗം

ദിക്സ്വാദ്യഷ്ടമദായബന്ധുഷു കുജാൽ

സ്വാൽ സത്രികേഷ്വംഗിരാഃ

സൂര്യാൽ സത്രിതപസ്സുധീസ്വനവദി-

ഗ്ലാഭാരിഗോ ഭാർഗ്ഗവാൽ

ജായായാർത്ഥനവാത്മജേഷു ഹിമഗോർ-

മന്ദാൽ ത്രിഷഡ്‌ധീവ്യയേ

ദിഗ്ദ്ധീഷൾസസുഖായ പൂർവ്വനവഗോ

ജ്ഞാൽ സസ്മരശ്ചോദയാൽ.

സാരം :-

ജനനകാലത്തിങ്കൽ ചൊവ്വയാൽ ആശ്രയിക്കപ്പെട്ട രാശിയുടെ പത്താം ഭാവത്തിലും രണ്ടാം ഭാവത്തിലും മേൽപ്പറഞ്ഞ രാശിയിലും അതിന്റെ അഷ്ടമസപ്തമങ്ങളിലും ഏഴാം ഭാവത്തിലും നാലാം ഭാവത്തിലും, ജനനകാലത്തിങ്കൽ തന്നാൽ ആശ്രയിക്കപ്പെട്ട രാശിയുടെ മൂന്നാം ഭാവത്തിലും പത്താം ഭാവത്തിലും രണ്ടാം ഭാവത്തിലും മേൽപ്പറഞ്ഞ രാശിയിലും അതിന്റെ അഷ്ടമസപ്തങ്ങളിലും ഏകാദശചതുർത്ഥങ്ങളിലും,  സൂര്യനാൽ ആശ്രയിക്കപ്പെട്ട രാശിയുടെ മൂന്നാം ഭാവത്തിലും ഒമ്പതാം ഭാവത്തിലും പത്താം ഭാവത്തിലും രണ്ടാം ഭാവത്തിലും മേൽപ്പറഞ്ഞ രാശിയിലും അതിന്റെ അഷ്ടമസപ്തമങ്ങളിലും ഏകാദശചതുർത്ഥങ്ങളിലും, ശുക്രനാൽ ആശ്രയിക്കപ്പെട്ട രാശിയുടെ അഞ്ചാം ഭാവത്തിലും രണ്ടാം ഭാവത്തിലും ഒമ്പതാം ഭാവത്തിലും പത്താം ഭാവത്തിലും  പതിനൊന്നാം ഭാവത്തിലും ആറാം ഭാവത്തിലും, ചന്ദ്രനാൽ ആശ്രയിക്കപ്പെട്ട രാശിയുടെ ഏഴാം ഭാവത്തിലും പതിനൊന്നാം ഭാവത്തിലും രണ്ടാം ഭാവത്തിലും ഒമ്പതാം ഭാവത്തിലും അഞ്ചാം ഭാവത്തിലും, ശനിയാൽ ആശ്രയിക്കപ്പെട്ട രാശിയുടെ മൂന്നാം ഭാവത്തിലും ആറാം ഭാവത്തിലും അഞ്ചാം ഭാവത്തിലും പന്ത്രണ്ടാം ഭാവത്തിലും, ബുധനാൽ ആശ്രയിക്കപ്പെട്ട രാശിയുടെ പത്താം ഭാവത്തിലും അഞ്ചാം ഭാവത്തിലും ആറാം ഭാവത്തിലും രണ്ടാം ഭാവത്തിലും നാലാം ഭാവത്തിലും പതിനൊന്നാം ഭാവത്തിലും മേൽപറഞ്ഞ രാശിയിലും അതിന്റെ ഒമ്പതാം ഭാവത്തിലും ലഗ്നത്തിങ്കലും അതിന്റെ അഞ്ചാം ഭാവത്തിലും പത്താം ഭാവത്തിലും ആറാം ഭാവത്തിലും രണ്ടാം ഭാവത്തിലും നാലാം ഭാവത്തിലും പതിനൊന്നാം ഭാവത്തിലും ഒമ്പതാം ഭാവത്തിലും ഏഴാം ഭാവത്തിലും സഞ്ചരിച്ചിയങ്ങുന്ന വ്യാഴം ശുഭനാകുന്നു. 

വ്യാഴാഷ്ടവര്‍ഗ്ഗം കണ്ടുപിടിക്കുന്നത് എങ്ങനെ?

  ബുധാഷ്ടവര്‍ഗ്ഗഫലം കണ്ടുപിടിക്കുന്നത് എങ്ങനെ? എന്ന പോസ്റ്റിന്‍റെ തുടര്‍ച്ചയാണ് താഴെ കൊടുത്തിരിക്കുന്നത്. ഇവിടെ ക്ലിക്ക് ചെയ്യുക.

വ്യാഴാഷ്ടവര്‍ഗ്ഗം കണ്ടുപിടിക്കുന്നത് എങ്ങനെ?

വ്യാഴാഷ്ടവര്‍ഗ്ഗം നിര്‍മ്മിക്കുമ്പോള്‍ സൂര്യന്‍ നില്‍ക്കുന്ന രാശിയില്‍ നിന്ന് 1,2,3,4,7,8,9,10,11 എന്നീ രാശികളില്‍ ഓരോ അക്ഷം എഴുതണം.

ഉദാഹരണം :- ചിങ്ങം രാശിയില്‍ നില്‍ക്കുന്ന സൂര്യന് ചിങ്ങം, കന്നി, തുലാം, വൃശ്ചികം, കുംഭം, മീനം, മേടം, ഇടവം, മിഥുനം എന്നീ രാശികളില്‍ ഓരോ അക്ഷം എഴുതണം.

ചന്ദ്രന്‍ നില്‍ക്കുന്ന രാശിയില്‍ നിന്ന് 2,5,7,9,11 എന്നീ രാശികളില്‍ ഓരോ അക്ഷം എഴുതണം.

ഉദാഹരണം :- കര്‍ക്കിടകത്തില്‍ നില്‍ക്കുന്ന ചന്ദ്രന് ചിങ്ങം, വൃശ്ചികം, മകരം, മീനം, ഇടവം എന്നീ രാശികളില്‍ ഓരോ അക്ഷം എഴുതണം.

കുജന്‍ നില്‍ക്കുന്ന രാശിയില്‍ നിന്ന് 1,2,4,7,8,10,11 എന്നീ രാശികളില്‍ ഓരോ അക്ഷം എഴുതണം.

ഉദാഹരണം :- മേടത്തില്‍ നില്‍ക്കുന്ന കുജന് മേടം, ഇടവം, കര്‍ക്കിടകം, തുലാം, വൃശ്ചികം, മകരം, കുംഭം എന്നീ രാശികളില്‍ ഓരോ അക്ഷം എഴുതണം.

ബുധന്‍ നില്‍ക്കുന്ന രാശിയില്‍ നിന്ന് 1,2,4,5,6,9,10,11 എന്നീ രാശികളില്‍ ഓരോ അക്ഷം എഴുതണം.

ഉദാഹരണം :- ബുധന്‍ കന്നിയില്‍ നിന്നാല്‍ കന്നി, തുലാം, ധനു, മകരം, കുംഭം, ഇടവം, മിഥുനം കര്‍ക്കിടകം എന്നീ രാശികളില്‍ ഓരോ അക്ഷം എഴുതണം.

വ്യാഴം നില്‍ക്കുന്ന രാശിയില്‍ നിന്ന് 1,2,3,4,7,8,10,11 എന്നീ രാശികളില്‍ ഓരോ അക്ഷം എഴുതണം.

ഉദാഹരണം :- വ്യാഴം ധനുവില്‍ നിന്നാല്‍ ധനു, മകരം, കുംഭം, മീനം, മിഥുനം, കര്‍ക്കിടകം, കന്നി, തുലാം എന്നീ രാശികളില്‍ ഓരോ അക്ഷം എഴുതണം.

ശുക്രന്‍ നില്‍ക്കുന്ന രാശിയില്‍ നിന്ന് 2,5,6,9,10,11 എന്നീ രാശികളില്‍ ഓരോ അക്ഷം എഴുതണം.

ഉദാഹരണം :- ശുക്രന്‍ തുലാത്തില്‍ നിന്നാല്‍ വൃശ്ചികം, കുംഭം, മീനം, മിഥുനം, കര്‍ക്കിടകം, ചിങ്ങം എന്നീ രാശികളില്‍ ഓരോ അക്ഷം എഴുതണം. 

ശനി നില്‍ക്കുന്ന രാശിയില്‍ നിന്ന് 3,5,6,12 എന്നീ രാശികളില്‍ ഓരോ അക്ഷം എഴുതണം.

ഉദാഹരണം :- ശനി കുംഭത്തില്‍ നില്‍ക്കുകയാണെങ്കില്‍ മേടം, മിഥുനം, കര്‍ക്കിടകം, മകരം എന്നീ രാശികളില്‍ ഓരോ അക്ഷം എഴുതണം.

ലഗ്നരാശിയില്‍ നിന്ന് 1,2,4,5,6,7,9,10,11 എന്നീ രാശികളില്‍ ഓരോ അക്ഷം എഴുതണം.

ഉദാഹരണം :- ലഗ്നം മിഥുനം ആണെങ്കില്‍ മിഥുനം, കര്‍ക്കിടകം, കന്നി, തുലാം, വൃശ്ചികം, ധനു, കുംഭം, മീനം, മേടം എന്നീ രാശികളില്‍ ഓരോ അക്ഷം എഴുതണം.

ഇപ്രകാരം വ്യാഴാഷ്ടവര്‍ഗ്ഗം താഴെ കാണിക്കുന്നു.

വ്യാഴാഷ്ടവര്‍ഗ്ഗഫലം കണ്ടുപിടിക്കുന്നത് എങ്ങനെ? എന്ന പോസ്റ്റ്‌ തുടര്‍ന്ന് വായിക്കുക. ഇവിടെ ക്ലിക്ക് ചെയ്യുക.