ക്ഷേത്ര ഉടമസ്ഥന്മാ൪ തമ്മില്‍ "നീയല്ല, ഞാനാണ് ഉടമസ്ഥന്‍" എന്ന് പറഞ്ഞു കലഹവും

ഏവം ഭൂമ്യാദി രുജി ച ധനഹതിം

ക്ഷേത്രനാഥപ്രവാസം

പ്രാസാദാരാമഭണ്ഡാരകസദനഹതിം

നിത്യപൂജാദിലോപം

"ക്ഷേത്രേശോƒഹം ന ച ത്വം" ത്വിതി കലഹഗിരാ

ക്ഷേത്രപാണാം ച വൈരം

തസ്മാദ് ക൪മ്മാദിലോപം വദതു ബുധവര-

സ്തത്തദുക്താനുരൂപം.

സാരം :-

ദേവപ്രശ്നത്തില്‍ പഞ്ചമഹാസൂത്രങ്ങള്‍ രോഗരൂത്രമാകയാല്‍ ക്ഷേത്ര ഊരാളന്മാ൪ രാജ്യം വിട്ടുപോകയും, ക്ഷേത്ര ഉദ്യാനം, ഭണ്ഡാരം ഇവയ്ക്കു നാശവും നിത്യപൂജാദികള്‍ക്ക് മുടക്കവും, ക്ഷേത്ര ഉടമസ്ഥന്മാ൪ തമ്മില്‍ "നീയല്ല, ഞാനാണ് ഉടമസ്ഥന്‍" എന്ന് പറഞ്ഞു കലഹവും അതുകൊണ്ട് എല്ലാ ക൪മ്മങ്ങള്‍ക്കും മുടക്കവും ഫലമാകുന്നു. ഇതെല്ലാം അതാതു ഗ്രഹസ്ഥിതികള്‍ നോക്കി പറയണം.

ചര്‍മ്മരോഗങ്ങള്‍ മാറാന്‍ ആമയൂട്ട്

  കാസര്‍കോഡ് ജില്ലയിലെ മേലോത്തുംകാവ്  അടുക്കത്ത് ഭഗവതി ക്ഷേത്രത്തില്‍ മഹിഷാസുരമര്‍ദ്ദിനിയാണ് പ്രധാന പ്രതിഷ്ഠ. കിഴക്കോട്ട് ദര്‍ശനം, ക്ഷേത്രത്തിന് തെക്ക് വശം ആമപ്പള്ളം ഉണ്ട്. ഏകദേശം മുന്നൂറോളം ആമകള്‍ തടാകത്തില്‍ ഉണ്ട്. ചര്‍മ്മരോഗങ്ങള്‍ മാറാന്‍ ആമയ്ക്ക് ആഹാരം കൊടുക്കുന്ന ഒരു പതിവ് ഇവിടെ ഉണ്ട്. ഉച്ചപൂജകഴിഞ്ഞ് നിവേദ്യ ചോറ് വാങ്ങി ഭക്തന്മാര്‍ ആമപ്പള്ളത്തില്‍ കൊണ്ട് വച്ചാല്‍ ആമകള്‍ വന്ന് അത് കഴിക്കും. അതോടെ ചര്‍മ്മരോഗങ്ങള്‍ മാറും എന്നാണ് വിശ്വാസം. ഇവിടെ ഉപദേവതകളായി സരസ്വതി, വനശാസ്താവ്, ബ്രഹ്മരക്ഷസ്സ്, രക്തേശ്വരി, ഗുളികന്‍, നാഗങ്ങള്‍ എന്നിവരുണ്ട്. ചിങ്ങത്തില്‍ നിറപുത്തരി, കാന്നിമാസത്തിലെ നവരാത്രി ഉത്സവം, വുശ്ചികത്തിലെ കാര്‍ത്തിക ഉത്സവം, മേടം 29 പ്രതിഷ്ഠ ദിനം തുടങ്ങിയവ വിശേഷദിവസങ്ങളാണ്.