ദ്വ്യാദ്യായാഷ്ടതപസ്സുഖേഷു ഭൃഗുജാൽ
സത്ര്യാത്മജേഷ്വിന്ദുജഃ
സാജ്ഞാസ്തേഷു യമാരയോർവ്യയരിപു
പ്രാപ്ത്യഷ്ടഗോ വാക്പതേഃ
ധർമ്മായാരിസുതവ്യയേഷു സവിതുഃ
സ്വാൽ സാദ്യകർമ്മത്രിഗഃ
ഷൾസ്വായാഷ്ടസുഖാസ്പദേഷു ഹിമഗോ-
സ്സാദ്യേഷു ലഗ്നാച്ഛ്ശുഭഃ
സാരം :-
ജനനകാലത്തിങ്കൽ ശുക്രനാൽ ആശ്രയിക്കപ്പെട്ട രാശിയുടെ രണ്ടാം ഭാവത്തിലും മേൽപ്പറഞ്ഞ രാശിയിലും അതിന്റെ പതിനൊന്നാം ഭാവത്തിലും എട്ടാം ഭാവത്തിലും ഒമ്പതാം ഭാവത്തിലും നാലാം ഭാവത്തിലും മൂന്നാം ഭാവത്തിലും അഞ്ചാം ഭാവത്തിലും, ജനനകാലത്തിങ്കൽ കുജമന്ദന്മാരാൽ ആശ്രയിക്കപ്പെട്ട രാശികളുടെ പത്താം ഭാവത്തിലും ഏഴാം ഭാവത്തിലും രണ്ടാം ഭാവത്തിലും മേൽപ്പറഞ്ഞ രാശിയിലും അതിന്റെ പതിനൊന്നാം ഭാവത്തിലും എട്ടാം ഭാവത്തിലും ഒമ്പതാം ഭാവത്തിലും നാലാം ഭാവത്തിലും, ജനനകാലത്തിങ്കൽ വ്യാഴത്താൽ ആശ്രയിക്കപ്പെട്ട രാശിയുടെ പന്ത്രണ്ടാം ഭാവത്തിലും ആറാം ഭാവത്തിലും പതിനൊന്നാം ഭാവത്തിലും എട്ടാം ഭാവത്തിലും, ജനനകാലത്തിങ്കൽ സൂര്യനാൽ ആശ്രയിക്കപ്പെട്ട രാശിയുടെ ഒമ്പതാം ഭാവത്തിലും പതിനൊന്നാം ഭാവത്തിലും ആറാം ഭാവത്തിലും അഞ്ചാം ഭാവത്തിലും പന്ത്രണ്ടാം ഭാവത്തിലും, ജനനകാലത്തിങ്കൽ തന്നാൽ ആശ്രയിക്കപ്പെട്ട രാശിയിലും അതിന്റെ പത്താം ഭാവത്തിലും മൂന്നാം ഭാവത്തിലും മേൽപ്പറഞ്ഞ ഒമ്പതാം ഭാവം മുതലായ സ്ഥാനങ്ങളിലും ജനനകാലത്തിങ്കൽ ചന്ദ്രനാൽ ആശ്രയിക്കപ്പെട്ട രാശിയുടെ ആറാം ഭാവത്തിലും ലഗ്നത്തിലും അതിന്റെ ആറാം ഭാവം മുതലായ മേൽപ്പറഞ്ഞ സ്ഥാനങ്ങളിലും സഞ്ചരിച്ചിയങ്ങുന്ന ബധൻ ശുഭനാകുന്നു. "ചന്ദ്രനാൽ സുഖാരിദശമായാഷ്ടധനേസാദിഷു വിലഗ്നാൽ" എന്ന വചനാന്തരത്തിന്റെ സംവാദം ഹേതുവായിട്ട് "സ്വാൽസാദ്യകർമ്മത്രിഗഃ" എന്ന വാക്യത്തിന്റെ അർത്ഥം മേൽ വിവരിച്ച പ്രകാരം തന്നെ എന്നറിഞ്ഞു കൊൾക.
