ഇടവം രാശിയിൽ നിൽക്കുന്ന ബുധന്റെ ദശാകാലം

ദായേ വൃഷസ്ഥസൗമ്യസ്യ സ്വല്പവിത്തം തഥാവ്യയം

വിദ്യാഗുണമൃണം ധർമ്മം നേത്രരോഗം സുഹൃദ്യുതിം.

സാരം :-

ഇടവം രാശിയിൽ നിൽക്കുന്ന ബുധന്റെ ദശാകാലം അല്പമായ ധനലാഭവും അതിനുതന്നെ വ്യയവും ഋണബാധയും നേത്രരോഗവും ബന്ധുക്കളുടെ ചേർച്ചയും വിദ്യാഗുണവും ധർമ്മസിദ്ധിയും സംഭവിക്കും.

മേടം രാശിയിൽ നിൽക്കുന്ന ബുധന്റെ ദശാകാലം

മേഷസ്ഥസൗമ്യദായേ തു വിഷതോƒതിഭയം വിപൽ

വ്രണരോഗം ച ദാരിദ്ര്യം വിദ്യാലാഭാദ്ധനം സകൃൽ.

സാരം :-

മേടം രാശിയിൽ നിൽക്കുന്ന ബുധന്റെ ദശാകാലം ശത്രുക്കളിൽനിന്നു വലിയ ഭയവും ആപത്തുകളും വ്രണരോഗവും ദാരിദ്ര്യവും വിദ്യാലാഭംകൊണ്ടു ധനവും ഫലമാകുന്നു.

ബുധദശയുടെ ആദ്യം - മദ്ധ്യം - അന്ത്യം

സൗമ്യദശായാമാദൌ

ധനധാന്യൈശ്വര്യസമ്പദോ ലഭതേ

അന്ത്യേ സ്വജനവിരോധം

മദ്ധ്യേ തു നരേന്ദ്രദത്തസൽക്കാരം.

സാരം :-

ബുധദശയുടെ ആദ്യം ധനധാന്യൈശ്വര്യസമൃദ്ധിയുണ്ടാകും.

ബുധദശയുടെ മദ്ധ്യത്തിൽ രാജസമ്മാനം ലഭിക്കും.

ബുധദശയുടെ അന്ത്യത്തിൽ സ്വജനങ്ങളുടെ വിരോധവും സംഭവിക്കും.

ചന്ദ്രനെ നോക്കുന്ന ഗ്രഹത്തിന്റെ സ്ഥിതിഭേദം തുടങ്ങിയുള്ളവകൊണ്ട് ചന്ദ്രൻ കൊടുക്കുന്ന ഫലത്തിനു വ്യത്യാസമുണ്ടാവുമെന്നതിനേയും, മേഷാദി ദ്വാദശാംശകസ്ഥിതനായ ചന്ദ്രനെ മറ്റു ഗ്രഹങ്ങൾ നോക്കിയാലത്തെ ഫലാദികളേയും മറ്റുമാണ് പറയുന്നത്

ഹോരേശർക്ഷദളാശ്രിതൈഃ ശുഭകരോ

ദൃഷ്ടശ്ശശീ തദ്ഗത-

സ്ത്ര്യംശേ തൽപതിഭിസ്സുഹൃദ് ഭവനഗൈർവ്വാ

വീക്ഷിതശ്ശസ്യതേ

യൽ പ്രോക്തം പ്രതിരാശി വീക്ഷണഫലം

തദ്ദ്വാദശാംശേ സ്മൃതം

സൂര്യാദ്യൈരവലോകിതേ ശശിനി വി-

ജ്ഞേയം നവാംശേഷ്വതഃ

സാരം :-

 നിൽക്കുന്നത് ഏതു രാശിയിലായാലും ശരി, ചന്ദ്രൻ സൂര്യഹോരയിൽ നിൽക്കുകയും, മറ്റു ഗ്രഹങ്ങൾ സൂര്യഹോരയിൽ നിന്നുകൊണ്ടുതന്നെ ആ ചന്ദ്രനെ നോക്കുകയും ചെയ്ക; അല്ലെങ്കിൽ ചന്ദ്രഹോരയിൽ നിൽക്കുന്ന ചന്ദ്രനെ അന്യഗ്രഹങ്ങൾ ചന്ദ്രഹോരയിൽ നിന്നുകൊണ്ടു നോക്കിയാലും മതി. ഇങ്ങനെയായാൽ ആ ചന്ദ്രൻ ശുഭഫലത്തെ പ്രദാനം ചെയ്യുന്നതാകുന്നു. നേരെ മറിച്ചു സൂര്യഹോരസ്ഥിതനായ ചന്ദ്രനെ മറ്റു ഗ്രഹങ്ങൾ ചന്ദ്രഹോരാസ്ഥിതന്മാരായിട്ടോ, സ്വഹോരാസ്ഥിതനായ ചന്ദ്രനെ സൂര്യഹോരാസ്ഥിതന്മാരായിട്ടോ നോക്കുന്നതായാൽ അങ്ങനെയുള്ള ചന്ദ്രൻ അശുഭഫലത്തേയും കൊടുക്കുന്നതാണ്.

ചന്ദ്രൻ നിൽക്കുന്ന ദ്രേക്കാണാധിപന്റേയോ ബന്ധുക്ഷേത്രസ്ഥിതന്മാരായ മറ്റേതെങ്കിലും ഗ്രഹങ്ങളുടേയോ ദൃഷ്ടിയോടുകൂടിയ ചന്ദ്രൻ ശുഭഫലത്തേയും, മറിച്ച് ശത്രുക്ഷേത്രഗതനായ ദ്രേക്കാണാധിപന്റേയോ അപ്രകാരം ശത്രുക്ഷേത്രഗതന്മാരായ മറ്റേതെങ്കിലും ഗ്രഹങ്ങളുടേയോ ദൃഷ്ടിയോടുകൂടിയ ചന്ദ്രൻ അശുഭഫലത്തേയും അനുഭവിപ്പിയ്ക്കുന്നതാകുന്നു. ഇവിടെ മൂലശ്ലോകത്തിൽ  ദ്രേക്കാണത്തെ മാത്രമേ പറഞ്ഞിട്ടുള്ളുവെങ്കിലും "തത്പതിഭി" എന്ന ബഹുവചനമായി പറഞ്ഞിട്ടുള്ളതിനാൽ നവാംശകദ്വാദശാംശകാദി മറ്റു വർഗ്ഗാധിപന്മാരയും, "സുഹൃത്ഭവനഗൈഃ" എന്നേടത്തു സ്വോച്ചസ്വക്ഷേത്രാദി സ്ഥിതന്മാരേയും ഗ്രഹിയ്ക്കേണ്ടതാകുന്നു. അപ്പോൾ ചന്ദ്രനു സ്വോച്ചസ്വക്ഷേത്രാദിസ്ഥിതിനിമിത്തം ബലവാന്മാരായ തന്റെ ഏതു വർഗ്ഗാധിപന്റെ ദൃഷ്ടിയുണ്ടായാലും ആ ചന്ദ്രൻ ശുഭപ്രദനാകുമെന്നും, അതിനു വിപരീതദൃഷ്ടിയാണ് ചന്ദ്രനുള്ളതെങ്കിൽ ആ ചന്ദ്രൻ അശുഭപ്രദനാകുമെന്നും വന്നുവല്ലോ. ദ്രേക്കാണാധിപന്മാരും ബന്ധുക്ഷേത്രാദിസ്ഥിതന്മാരും ചന്ദ്രനെ നോക്കുന്നവരുമായ മേൽപറഞ്ഞ ഗ്രഹങ്ങൾ ശുഭന്മാരാണെങ്കിൽ ചന്ദ്രൻ അധികശുഭപ്രദനും, അവർ പാപന്മാരാണെങ്കിൽ ചന്ദ്രൻ മധ്യമഫലപ്രദനുമാകുമെന്നും മറ്റും ഊഹിയ്ക്കുകയും ചെയ്യാം.

ഇവിടെ ചന്ദ്രൻ മേഷാദി രാശികളിൽ നിൽക്കുമ്പോൾ മറ്റു ഗ്രഹങ്ങളുടെ ദൃഷ്ടിയാൽ അനുഭവപ്പെടുമെന്നു പറഞ്ഞ ഫലങ്ങൾതന്നെയാണ് മേഷാദിദ്വാദശാംശകങ്ങളോടുകൂടി നിൽക്കുന്ന ചന്ദ്രനെ മറ്റു ഗ്രഹങ്ങൾ നോക്കിയാലും അനുഭവപ്പെടുക എന്നു പറയേണ്ടതാണ്. മേടം രാശിയിൽ നിൽക്കുന്ന ചന്ദ്രനു ചൊവ്വയുടെ ദൃഷ്ടിയുണ്ടായാൽ രാജവാകുമെന്ന് മുമ്പ് പറഞ്ഞിട്ടുണ്ട്. ചൊവ്വയുടെ ദൃഷ്ടിയോടുകൂടി ചന്ദ്രൻ മേടദ്വാദശാംശത്തിൽ നിന്നാലും ആ ഫലംതന്നെ അനുഭവിയ്ക്കുമെന്നു സാരം. ഇതുപോലെ മറ്റെല്ലാം ഊഹിച്ചുകൊൾക. ചന്ദ്രലഗ്നങ്ങൾക്കു ഫലസാമ്യമുണ്ടെന്ന് മുമ്പ് പറഞ്ഞുവല്ലോ. അതിനെ അനുസരിച്ചു ഈ ദൃഷ്ടിപ്രകരണത്തിലും ചന്ദ്രന്റെ സ്ഥാനത്ത് ലഗ്നത്തെ കല്പിച്ച് ചന്ദ്രനു ഇവിടെ പറഞ്ഞ എല്ലാ ഫലങ്ങളും ലഗ്നത്തിനും യോജിപ്പിയ്ക്കുകയും ചെയ്യാം.

നമ്മുടെ ക്ഷേത്രസങ്കൽപ്പം

നമ്മുടെ ക്ഷേത്രസങ്കൽപ്പം click here 

ധനു മകരം കുംഭം മീനം രാശികളിൽ നിൽക്കുന്ന ചന്ദ്രനെ ബുധൻ വ്യാഴം ശുക്രൻ ശനി സൂര്യൻ ചൊവ്വ എന്നീ ഗ്രഹങ്ങൾ നോക്കിയാലത്തെ ഫലം പറയുന്നു

ജ്ഞാത്യുർവ്വീശജനാശ്രയാശ്ച തുരഗേ

പാപൈസ്സദം ഭശ്ശഠ-

ശ്ചാത്യുർവ്വീശനരേന്ദ്രപണ്ഡിതധനി

ദ്രവ്യോനഭൂപാ മൃഗേ

ഭൂപോ ഭൂപസമോƒന്യദാരനിരത-

ശ്ശേഷൈശ്ച കുംഭസ്ഥിതേ

ഹാസ്യജ്ഞോ നൃപതിർബുധശ്ച ഝഷഗേ

പാപശ്ച പാപേക്ഷിതേ.

സാരം :-

ജനനസമയത്ത് ധനു രാശിയിൽ നിൽക്കുന്ന ചന്ദ്രന് ബുധന്റെ ദൃഷ്ടിയുണ്ടായാൽ സ്വജനങ്ങളുടെ രക്ഷകനായ നായകനും, വ്യാഴത്തിന്റെ ദൃഷ്ടിയുണ്ടായാൽ രാജാക്കന്മാരുടെ അധീശ്വരനായ ചക്രവർത്തിയും, ശുക്രന്റെ ദൃഷ്ടിയുണ്ടായാൽ സകല ജനങ്ങളുടേയും രക്ഷകനും, ശനി സൂര്യൻ ചൊവ്വ എന്നീ ഗ്രഹങ്ങളിൽ ഒന്നിന്റെ ദൃഷ്ടിയുണ്ടായാൽ ദംഭയുക്തനും സ്വാർത്ഥപ്രിയനുമായിരിയ്ക്കും. വാസ്തവത്തിൽ തീരെ അധാർമ്മികനാണെങ്കിലും അഹർവൃത്തിയ്ക്കുവേണ്ടി ധർമ്മിഷ്ഠനെന്നു നടിയ്ക്കുന്നവനേയാണ് ഇവിടെ ദംഭയുക്തൻ എന്നു പറഞ്ഞിരിയ്ക്കുന്നതെന്നും അറിയുക.

ജനനസമയത്തു മകരം രാശിയിൽ നിൽക്കുന്ന ചന്ദ്രനെ ബുധൻ നോക്കിയാൽ ചക്രവർത്തിയുടേയും, വ്യാഴം നോക്കിയാൽ രാജാവും, ശുക്രൻ നോക്കിയാൽ വിദ്വാനും, ശനി നോക്കിയാൽ ധനികനും, സൂര്യൻ നോക്കിയാൽ ദാരിദ്ര്യനും, ചൊവ്വ നോക്കിയാൽ രാജാവുമായിത്തീരുന്നതാണ്.

ജനനസമയത്ത് കുംഭം രാശിയിൽ നിൽക്കുന്ന ചന്ദ്രന് ബുധന്റെ ദൃഷ്ടിയുണ്ടെങ്കിൽ രാജാവും, വ്യാഴം നോക്കിയാൽ രാജതുല്യനും, ശുക്രൻ നോക്കിയാൽ പരസ്ത്രീസക്തനും, ശനി നോക്കിയാൽ രാജാവും, സൂര്യൻ നോക്കിയാൽ രാജതുല്യനും, ചൊവ്വ നോക്കിയാൽ പരദാരസക്തനുമാവുന്നതാണ്.

ജനനസമയത്ത് മീനം രാശിയിൽ നിൽക്കുന്ന ചന്ദ്രന് ബുധന്റെ ദൃഷ്ടിയുണ്ടായാൽ ഹാസ്യരസപ്രധാനമായി സംസാരിയക്കാനും പ്രവർത്തിപ്പാനും സമർത്ഥനും, വ്യാഴത്തിന്റെ ദൃഷ്ടിയുണ്ടായാൽ രാജാവും, ശുക്രന്റെ ദൃഷ്ടിയുണ്ടായാൽ വിദ്വാനും, ശനി സൂര്യൻ ചൊവ്വ എന്നീ ഗ്രഹങ്ങളിൽ ഒന്നിന്റെ ദൃഷ്ടിയുണ്ടായാൽ പാപകർമ്മങ്ങളിൽ ആസക്തനുമായിരിയ്ക്കുന്നതാണ്.

മുമ്പ് രാജയോഗാദ്ധ്യാത്തിലും ഈ ദൃഷ്ടി അദ്ധ്യായത്തിലും പറഞ്ഞ രാജത്വമെന്ന ഫലത്തിനു കുറച്ചു വ്യത്യാസമുണ്ട്. കേവലം രാജയോഗാദ്ധ്യായത്തിൽ പറഞ്ഞ യോഗങ്ങൾക്കു മാത്രമേ രാജ്യാധികാരം സിദ്ധിയ്ക്കയുള്ളൂവെന്നും ഈ ദൃഷ്ടിഫലാദ്ധ്യായത്തിലെ രാജത്വഫലത്തിനു വലിയ ധനികത്വം ഗ്രാമപുരനഗരാദ്യാധിപത്യം മുതലായവ മാത്രമേ അനുഭവപ്പെടുകയുള്ളൂവെന്നും മറ്റും അറിയുകയും വേണം.

അപ്ലൈഡ് തന്ത്രം

അപ്ലൈഡ് തന്ത്രം click here