സുഹൃദി ശനിതനൂജേ ബന്ധുയാനാർത്ഥഹീന-
ശ്ചലമതിരസുതാപത്യോƒല്പജീവീ സശൂലീ
സകലരിപുനിഹന്താ, ഭൂതവിദ്യാവിനോദീ
രിപുഭവനസമേതേ ശ്രേഷ്ഠപുത്രസ്സുശൂരഃ
സാരം :-
നാലാം ഭാവത്തിൽ ഗുളികൻ നിൽക്കുമ്പോൾ ജനിക്കുന്നവൻ ബന്ധുക്കളും വാഹനവും ധനവും ഇല്ലാത്തവനായിരിക്കും.
അഞ്ചാം ഭാവത്തിൽ ഗുളികൻ നിൽക്കുമ്പോൾ ജനിക്കുന്നവൻ മനസ്സിന് ചാപല്യവും പുത്രന്മാർ കുറഞ്ഞിരിക്കുകയും അല്പായുസ്സാകയും ശൂലരോഗമുള്ളവനായും ഭവിക്കും.
ആറാം ഭാവത്തിൽ ഗുളികൻ നിൽക്കുമ്പോൾ ജനിക്കുന്നവൻ സകല ശത്രുക്കളേയും ഹനിക്കുന്നവനായും ശാംബരീ (ജ്വാല) വിദ്യ, ചെപ്പടി വിദ്യ മുതലായ വിനോദങ്ങളെ ചെയ്യുന്നവനായും ശ്രേഷ്ഠന്മാരായ പുത്രന്മാരോടുകൂടിയവനായും ശൂരനായും ഭവിക്കും.
