മേഷസ്ഥമന്ദദായേ തു പ്രവാസം വാതപീഡനം
ത്വഗ്രോഗം ബന്ധുനാശം ച ഭ്രംശം ഭൂക്ഷേത്രനാശനം
ഏവമാദൗ ദശാന്തേ ബഹുലാഭം സുഖം തഥാ
ദേശഗ്രാമാധിപത്യം ച കൃഷി ധാന്യധനാഗമം.
സാരം :-
മേടം രാശിയിൽ നിൽക്കുന്ന ശനിയുടെ ദശാകാലം അന്യദേശവാസം, വാതകോപം, ത്വക് രോഗം, ബന്ധുക്കൾക്ക് ആപത്ത്, സ്ഥാനഭ്രംശം, ഭൂക്കും കൃഷികാര്യങ്ങൾക്കും നാശം ഈ അനിഷ്ടഫലങ്ങൾ ആദ്യം അനുഭവിക്കുകയും ഒടുവിൽ പലതരത്തിലുള്ള അർത്ഥലാഭം, സുഖം ദേശഗ്രാമനായകത്വം, കൃഷിഗുണം, ധനധാന്യലാഭം എന്നിവ സംഭവിക്കുകയും ചെയ്യും. ശനിയുടെ നീചദശാഫലങ്ങളും ഇതിൽകൂടെ യോജനീയങ്ങളാകുന്നു.